అనసూయ మళ్ళీ వస్తుంది

Posted: 12/24/2013 07:31 PM IST

బుల్లి తెర అభిమానులకు ఓ శుభవార్త. ఈ టీవీ లో ప్రసారం అయిన జబర్థస్త్ ప్రోగ్రాంలో యాంకరింగ్ ద్వారా అనతికాలంలోనే బాగా పాపులర్ అయిన అనసూయ, గర్భం దాల్చడంతో గత కొంత కాలం నుండి యాంకరింగ్ కి దూరంగా ఉంటున్న విషయం తెలిసిందే. ఇటీవలే ఓ పండంటి మగబిడ్డకు జన్మనిచ్చిన అనసూయ మళ్ళీ బుల్లితెర పై సందడి చేయడానికి సిద్దం అవుతున్నట్లు ప్రకటించింది.

ఇద్దరు పిల్లలకు తల్లి అయిన ఈ హాట్ యాంకర్ అందాల్లో ఎటువంటి మార్పు రాలేదు. ఈనెల (డిసెంబర్) 29వ తేదీన ‘జీ తెలుగు ’ ఛానల్ లో ప్రసారం కాబోతున్న ‘ఛోటా ఛాంపియన్ ’ ద్వారా బుల్లితెర ప్రేక్షలకు మళ్ళీ పలకరించబోతుంది. ఈ ప్రోగ్రాంలో యాంకరింగ్ లో అదే చలాకీ తనం చూపించినా, డ్రెస్సింగ్ లో మాత్రం కాస్తంత తేడా రావచ్చని అంటున్నారు.

గతంలో హాట్ హాట్ అందాలు కనిపించే విధంగా చిట్టి పొట్టి డ్రెస్సులు వేసుకున్న అనసూయ ఈ సారి అలా కాకుండా నిండుగా కనిపించబోతుందని అంటున్నారు. కొత్త తరహా కాన్సెప్ట్ తో తెరకెక్కించబోతున్న ఈ ప్రోగ్రామ్ కి ఏ మాత్రం రేటింగ్ తీసుకొస్తుందో చూడాలి.