చెన్నై సోయగం బ్రాండ్ అంబాసిడర్ గా

Posted: 12/20/2013 11:23 AM IST

సినిమా ఇండస్ట్రీలో ఓ వెలుగు వెలిగి అవకాశాలు లేక ఖాళీగా ఉన్న భామలు నలుగురి కళ్ళలో పడాలని తాపత్రయపడుతుంటారు. అందుకోసం పబ్లిసిటీ తెచ్చే ఏ చిన్న అవకాశం వచ్చినా దాన్ని వదులుకోరు. ఇప్పుడు అదే పనిచేస్తుంది చెన్నై సోయగం త్రిష. తెలుగు, తమిళం, మళయాలం భాషలను చుట్టేసి ప్రస్తుతం అవకాశాలు లేక ఖాళీగా ఉన్న ఈ అమ్మడు త్వరలో జరగబోయే సెలెబ్రెటీ క్రికెట్ లీగ్ (సీసీఎల్) కి బ్రాండ్ అంబాసిడర్ గా చేయడానికి గ్రీన్ సిగ్నల్ ఇచ్చింది.

ఈ అమ్మడు చెన్నై రైనోస్ టీమ్ ప్రచారకర్తగా వ్యవహరించబోతుంది. చెన్నై జట్టుకు బ్రాండ్ అంబాసిడర్ గా మిల్కీ బ్యూటీ తమన్నాతో పాటు పలువురి పేర్లను పరిశీలించినా ఆ అవకాశం ఈ చెన్నై సోయగానికే దక్కడంతో ఇఫ్పుడు తెగ ఆనందపడింది. ఎందుకంటే ఆ టోర్నీకి పలు ఇండస్ట్రీల నుండి హీరోలు, దర్శక నిర్మాతలు వస్తారు. అక్కడ కాస్త తన అందాలను ఒలకబోస్తే ఒకరు కాకపోతే ఒకరు ఛాన్స్ ఇవ్వకపోతారా ? ఎందుకివ్వరూ ? ఇస్తారు. చెన్నై బ్యూటీ త్రిషను ఎంపిక చేసినట్లు చెన్నై రైనోస్ డెరైక్టర్ శ్రీకాంత్ బాబు వెల్లడించారు.

తమ టీమ్ ప్రచారకర్తగా త్రిషను నియమించడం సంతోషకరంగా భావిస్తున్నట్లు ఆయన అన్నారు. అన్నట్లు ఈ అమ్మడు కన్నడలో ఓ చిత్రం చేస్తుంది. పునీత్ రాజ్‌కుమార్ సరసన నటిస్తున్నారు. అక్కడ ఏ మాత్రం పేరు సంపాదించుకుంటుందో చూడాలి.