హిందీ సినిమాల పై వెంకీ డైలామా

Posted: 12/09/2013 05:40 PM IST

ఫ్యామిలీ హీరోగా పేరు తెచ్చుకున్న విక్టరీ వెంకటేష్ ఇటీవల ఎక్కువగా మల్టీ స్టారర్ చిత్రాల్లోనే నటిస్తున్నాడు. సోలో చిత్రాల్లో చేయడానికి కాస్త వెనకా ముందు ఆలోచిస్తున్న వెంకటేష్ ఇప్పుడు ఓ సినిమా విషయంలో డైలామాలో పడ్డాడు. హిందీ సినిమా రీమేక్ లో ఇటీవల నటించిన ‘బోల్ బచ్చన్ ’ తెలుగులో  ‘మసాలా ’ చిత్రంలో నటించిన ఆయన ఆ సినిమా డిజాస్టర్ కావడంతో ఇప్పుడు అక్షయ్ కుమార్ నటించిన ‘ఓ మై గాడ్ ’ సినిమాను తెలుగులో రీమేక్ చేయడానికి దాని హక్కుల్ని సురేష్ ప్రొడక్షన్స్ సంస్థ తీసుకుంది.

ఆ సినిమాలో హీరోగా వెంకటేష్ ని పెట్టి తీయడానికి సన్నాహాలు కూడా చేసింది. కానీ ఈ చిత్రంలో నటించాలా వద్దా అనే మీమాంసలో ఉన్నాడట. ఇఫ్పటికే ప్రారంభం కావాల్సిన ఈ సినిమా వెంకటేష్ వెనక్కి తగ్గేసరికే నిదానంగా ముందుకు సాగుతున్నాయని సినీ వర్గాల సమాచారం. రీమేక్ కథలు కాకుండా డైరెక్టుగా తెలుగు కథలకే వెంకీ మొగ్గు చూపడమే ఇందుకు కారణం అటున్నారు. వెంకటేష్ తప్పుకుంటే ఇందులో హీరోగా ఎవర్ని సెలక్ట్ చేస్తారో చూడాలి.