‘ఎవడు ’ మొత్తం బయటికొచ్చేశాడు ?

Posted: 11/21/2013 07:31 PM IST

ఇటీవలే టాలీవుడ్ స్టార్ పవన్ కళ్యాణ్ నటించిన సినిమా ‘అత్తారింటికి దారేది ’ విడుదలకు ముందే మార్కెట్లోకి వచ్చి పెద్ద గందరగోళానికి గురిచేయడమే కాకుండా సినిమా ఇండస్ట్రీనే అదిరిపోయేటట్లు చేసిన విషయం తెలిసిందే. కానీ దాని ఎఫెక్ట్ ఆ సినిమా పై ఏ మాత్రం పడకపోగా , టాలీవుడ్ లోనే బిగ్గెస్ట్ హిట్ గా నిలిచింది.

ఈ స్టోరీ మాకు తెలిసిందే కదా ? మళ్ళీ ఎందుకు చెబుతున్నారని అనుకుంటున్నారా ? విషయం ఏంటంటే... మెగా పవర్ స్టార్ రామ్ చరణ్ నటించిన ‘ఎవడు ’ సినిమా పూర్తిగా లీక్ అయ్యిందని టాలీవుడ్ వర్గాల నుండి రూమర్స్ వినిపిస్తున్నాయి. ఎవరో కొందరు వ్యక్తులు ఈ సినిమా 2 గంటల 16 నిమిషాలు మార్కెట్లో సీడీల రూపంలో లభ్యం అవుతుందని మెస్సేజ్ ల రూపంలో ప్రచారం చేశారు. ఈ వార్త దావాహంలా మార్కెట్లోకి వెళ్ళడంతో... ఈ విషయం తెలుసుకున్న సినిమా యూనిట్ సభ్యులు షాక్ తిని దీని పై ఆరా తీయగా

ఈ వార్త అంతా ఉత్తిదే అని తేలడంతో నిర్మాత దిల్ రాజు, చిత్ర యూనిట్ సభ్యులు, రామ్ చరణ్ ఫ్యాన్స్ ఊపిరి పీల్చుకున్నారు. అయితే కొంత మంది సినీ జనాలు మాత్రం ఈ సినిమా వచ్చే నెల 19 తేదీన విడుదల కాబోతుండటంతో జనాల్లో హైప్ క్రియేట్ చేయడానికే ఇలాంటి ప్రచారం చేశారని అంటున్నారు.