బాలయ్య ఏడుగురితో ఎంజాయ్ చేయబోతున్నాడు

Posted: 11/16/2013 06:56 PM IST

Nandamuri balakrishna caught with 7 heroines

విచిత్రం అంటే ఇదే మరి.... మొన్నటి వరకు తమ సినిమాలో నటించడానికే ఏ హీరోయిన్ ముందుకు రాలేదు. అలాంటిది ఇప్పుడు ఏకంగా ఓ పాటకోసం ఏడుగురు హీరోయిన్లను తీసుకోవడానికి ప్లాన్ చేస్తున్నాడు దర్శకుడు. ఇదంతా ఎవరి గురించి అనుకుంటున్నారా ? ఇంకెవరు మన బాలయ్య. ఈయన ప్రస్తుతం బోయపాటి శీను దర్శకత్వంలో ‘లెజెండ్ ’ సినిమా తీస్తున్నాడు. ఈ సినిమాలో బాలయ్య సరసన కష్టపడి సోనాల్ చౌహాన్, రాధికా ఆప్టే కథానాయికలను సెలక్ట్ చేశారు. వీరిద్దరు ఈ సినిమాలో ఖరారు ఖావడంతో షూటింగు కూడా సాఫీగా సాగిపోతుంది.

ఈ సినిమాలో బాలయ్య కోసం దర్శకుడు భారీ హంగుల్ని సమకూర్చాడు కూడా. ‘సింహా ’ సినిమా హిట్టు కావడంతో వీరిద్దరి కాంబినేషన్లో వస్తున్న సినిమా పై భారీ అంచనాలు ఏర్పడ్డాయి. అందుకు తగ్గట్లు గానే దర్శక నిర్మాతలు కూడా ఏ మాత్రం రాజీపడకుండా ఖర్చు పెట్టేస్తున్నారు. 14 రీల్స్ ఎంటర్టైన్మెంట్ పతాకంపై తెరకెక్కుతున్న ఈ సినిమా కోసం దర్శకుడు తాజాగా బోయపాటి ఏడుగురు కథానాయికలతో ఓ పాటను ప్లాన్ చేస్తున్నట్టు తెలుస్తోంది. దేవి శ్రీప్రసాద్ ఇచ్చిన మాంచి ఓ మాస్ పాటను భారీ హంగామాతో తెరపైకి తీసుకెళుతున్నట్టు తెలుస్తోంది. ఇందులోబాలయ్యతో ఏడుగురు కథానాయికలు ఆడిపాడే అవకాశాలు ఉన్నాయని చిత్ర యూనిట్ సభ్యులు అంటున్నారు.

అయినా ‘తినడానికి తికానా లేకపోయినా, మీసాలకు సంపెంగ నూనె కావాలన్నట్లు ’ ఈయనతో సినిమా చేయడానికే భయపడ్డ ముద్దుగుమ్మలు పాటలో నటించడానికి ఒప్పుకుంటారా అనే అనుమానాలు వ్యక్తం చేస్తూనే... ఈయనేమైనా మన్మధుడా అని జోకులు వేసుకుంటున్నారు.