మరదలపిల్లతో జక్కన్న..

Posted: 11/06/2013 06:43 PM IST

పవర్ స్టార్ పవన్ కళ్యాన్ కు మరదలపిల్లగా నటించిన హీరోయిన్ పై జక్కన్న మనసుపడ్డాడు. అంటే చిన్న మరదల పిల్ల సమాంత కాదులేండి.. పెద్ద మరదలపిల్ల ప్రణీతకు జక్కన్న ఒక్క అవకాశం ఇవ్వటం జరిగింది. అత్తారింటికి దారేది సినిమా విజయం సాధించినప్పటకి ప్రణీతకు సినిమా అవకాశాలు స్పీడుగా రాలేదు. ఈ ఖాళీ సమయంలో ప్రణీత మాత్రం నగరంలో కొత్త బట్టల షాపులకు రిబ్బన్ కట్ చేసే అవకాశాలను భారీగా దక్కించుకుంది.

 

అయితే అత్తారింటికి దారేది సినిమా మాత్రం ప్రణీత జీవితాన్ని మార్చేసింది. ఆ సినిమాలో చేసింది రెండో హీరోయిన్ పాత్రే అయినా కానీ గుర్తింపుతో పాటు అవకాశాలను కూడా తెచ్చిపెట్టింది. ప్రణీతకు ఈ సినిమా తర్వాత వరుస అవకాశాలు వస్తున్నాయి. ఇప్పటికే ఎన్టీఆర్-కందిరీగ శ్రీనివాస్ సినిమాలో సెకండ్ హీరోయిన్ ఛాన్స్ దక్కించుకున్న ఈ బెంగుళూరు భామకు ఇప్పుడు జక్కన్న సినిమాలో అవకాశం వచ్చేలా కనిపిస్తుంది. జక్కన్న క్రేజీ ప్రాజెక్ట్ 'బాహుబలి'లో ఓ పాత్ర కోసం ప్రణీతను ఎంచుకోనున్నారని అనుకుంటున్నారట.

 

 

ఇప్పటికే ప్రభాస్ కు జోడిగా అనుష్క నటిస్తుండగా రానాకు జంటగా నటించే హీరోయిన్ స్థానం ఖాళీగా ఉంది. రానాకు జంటగా సరిపడే అందమైన హీరోయిన్ కోసం రాజమౌళి గట్టిగానే ప్రయత్నాలు చేస్తున్నాడు. రాణిలా కనిపిస్తూ రానాకు జోడిగా కనిపించే అమ్మాయి కోసం జక్కన్న వేట సాగిస్తున్నారు. ఈ వేటలో ప్రణీత మీద జక్కన్న ద్రుష్టిపెట్టినట్లు టాలీవుడ్ సమాచారం. ప్రణీత జక్కన్న చేతిలో పడితే.. ఆమె సుడితిరిగినట్లేనని ఆమె అభిమానులు అంటున్నారు.