చరణ్ సినిమా నైజాం రైట్స్ అదుర్స్

Posted: 08/27/2013 06:42 PM IST

Toofan movie nizam rights sold for high price

మెగా పవర్ స్టార్ రామ్ చరణ్ తేజ్ నటించిన తొలి హిందీ చిత్రం ‘జంజీర్ ’ అన్ని కార్యక్రమాలను పూర్తి చేసుకొని విడుదలకు సిద్దంగా ఉంది. ఈ చిత్రాన్ని ఒకేసారి తెలుగు, హిందీ భాషల్లో ఏక కాలంలో విడుదల చేయడానికి సన్నాహాలు చేస్తున్నారు. తెలుగులో ‘తుఫాన్ ’ పేరుతో విడుదల అవుతున్న ఈ చిత్రం యొక్క నైజాం రైట్స్ భారీ రేటుకు అమ్ముడు పోయినట్లు సమాచారం. ఇప్పటికే హిందీ హక్కులను ప్రముఖ ఎంటర్ టైన్ మెంట్ సంస్థ రియలన్స్ వందకోట్లకు పైగా పెట్టి దక్కించుకున్న విషయం తెలిసిందే. ఇప్పుడు తెలుగు నైజాం రైట్స్ ను ఓ ప్రముఖ సంస్థ 11 కోట్లు చెల్లించి కొనుగోలు చేసింది. ఇందులో ఒక నెల్లూరు రైట్సే 1.65 కోట్లు పెట్టి క్రౌన్ మూవీస్ కొన్నది. తొలిసారి హిందీలో నటించిన రామ్ చరణ్ సినిమా పై అటు బాలీవుడ్ లో టాలీవుడ్ లో భారీ అంచనాలే ఉన్నాయి. ఇక ఈ సినిమాను సెప్టెంబర్ 6న విడుదల చేయడానికి సన్నాహాలు చేస్తున్నారు. కానీ ఆంధ్ర ప్రదేశ్ లో సీమాంధ్ర ఉద్యం నడుస్తున్న నేపథ్యంలో ఈ సినిమా విడుదల పై సందేహాలు నెలకొన్నాయి. ఇప్పటికే చరణ్, పవన్ సినిమాలు ఉద్యమ దెబ్బతో వెనక్కి తగ్గాయి. నిర్మాతలు మాత్రం ఎలాగైనా ఆ రోజునే ‘తుఫాన్ ’ విడుదల చేయాలని భావిస్తున్నారు. ఉద్యమాన్ని చేధించుకుంటూ ‘తుఫాన్ ’ ముందువస్తుందో లేక వెనక్కి వెళుతుందో చూడాలి.