విజయ్ మూవీ విడుదలకు లైన్ క్లియర్

Posted: 08/19/2013 12:57 PM IST

Thalaiva movie to be released in tamil nadu on august 20

కోలీవుడ్ స్టార్ హీరో విజయ్ ఫ్యాన్స్ కి గుడ్ న్యూస్. గత కొన్ని రోజుల నుండి ఆయన నటించిన ‘తలైవా ’ చిత్రం కోసం ఎంతో ఆసక్తితో చూస్తున్న వారికి ఇది ఖచ్చితంగా శుభవార్తే. ఈయన నటించిన ఈ చిత్రం ఒక్క తమిళనాడులో తప్ప మిగతా అన్ని చోట్ల విడుదలయిన ఈ చిత్రం విడుదల సమయంలో థియేటర్లలో బాంబులు పెడతామంటూ హెచ్చరికలు రావడంతో దీన్ని నిలిపివేశారు. దీంతో నిర్మాతకు భారీ నష్టం రావడంతో హీరో విజయ్, ఈ సినిమా హీరోయిన్ అమలాపాల్ , మిగతా చిత్ర యూనిట్ సభ్యులు నిరహార దీక్షకు దిగుతామని హెచ్చరించడంతో దిగివచ్చిన తమిళనాడు ప్రభుత్వం ఈ చిత్రాన్ని ఈనెల 19 తరువాత (అంటే నేడు కాకుండా) ఎప్పుడైనా విడుదల చేసుకోవచ్చని తెలిపింది. దీంతో ఈ చిత్రాన్ని రేపు 20వ తారీఖున విడుదల చేయడానికి సన్నాహాలు చేసుకుంటున్నాడు నిర్మాత. ఈ సినిమా విడుదలకు లైన్ క్లియర్ కావడంతో అభిమానులతో పాటు చిత్ర యూనిట్ ఆనందంలో మునిగిపోయారు.