‘ఎవడు ’ ఆడియోకి చిరు-పవన్

Posted: 07/01/2013 05:56 PM IST

మెగా పవర్ స్టార్ రామ్ చరణ్ హీరోగా, వంశీ పైడిపల్లి దర్శకత్వంలో దిల్ రాజు నిర్మాతగా ‘ఎవడు ’ సినిమా భారీ బడ్జెట్ తో తెరకెతున్న విషయం తెలిసిందే. అయితే నేడు ఈ సినిమాకు సంబంధించిన ఆడియో విడుదల చేయబోతున్నారు. ఈ సినిమా ఆడియో విడుదల కార్యక్రమానికి గెస్ట్ గా చిరంజీవి, పవన్ కళ్యాణ్ రాబోతున్నట్లు విశ్వసనీయ సమాచారం. హైదరాబాదు, మాదాపూర్లోని శిల్పకళా వేదిక ప్రాంగణంలో ఈ సినిమా ఆడియో వేడుక అభిమానుల సమక్షంలో జరుగనున్న ఈ కార్యక్రమానికి వారితో పాటు మెగా కుటుంబ సభ్యులు, అల్లు అరవింద్, వారి కుటుంబం హాజరుకాబోతున్నారు. వాస్తవానికి ఈ ఆడియో విడుదల కార్యక్రమం నిన్న అనగా జూన్ 30న విడుదల కావాల్సింది. కానీ కొన్ని కారణాల వల్ల ఒక్క రోజు నేటికి జులై 1 కి వాయిదా పడింది. అయితే ఈ వాయిదాకు ముఖ్యకారణం పవన్ కళ్యాణ్ రాకపోవడమే అని తెలిసింది. ఆయన తన సినిమాలో స్పెయిల్ షూటింగులో బిజీగా ఉండటంతో ఆయన కోసం వాయిదా వేసినట్లు వార్తలు వచ్చాయి. అందుకు తగ్గట్లుగానే పవన్ కూడా ఆ షూటింగు పూర్తి చేసుకొని హైదరాబాద్ చేరుకున్నారు. దీంతో పవన్ ఈ ఆడియోకి తప్పకుండా వస్తాడని అంటున్నారు.  దేవీశ్రీ ప్రసాద్ అందించిన సంగీతం ప్రేక్షకుల్ని తప్పకుండా ఆకట్టుకుంటుందని ఆ చిత్రయూనిట్ అంటున్నారు. మొత్తానికి ఈరోజు మెగా అభిమానులకు పండగ అన్నమాట. శృతి హాసన్, ఎమీ జాక్సన్ ఇందులో కథానాయికలు.