త్రివిక్రమ్ తో చరణ్

Posted: 06/20/2013 12:35 PM IST

మాటల మాంత్రికుడు త్రివిక్రమ్ శ్రీనివాస్ మెగా డైరెక్టర్ కాబోతున్నాడు. ఇప్పటికే పవన్ తో జల్సా,  అల్లు అర్జున్ తో ‘జులాయి ‘ తో సినిమాలు తీసి హిట్టుకొట్టిన ఈయన పవన్ తో మరో చిత్రంలో బిజీగా ఉన్నాడు. ఇక బ్యాలెన్స్ ఉన్న మెగా హీరో రామ్ చరణ్ తో కూడా ఓ సినిమా కమీట్ అయ్యాడనే వార్తలు ఫిలింనగర్ నుండి వినిపిస్తున్నాయి. ఇప్పటికే ఈ సినిమాకు సంబంధించిన కథా చర్చలు జరిగాయని, అవి ఫైనల్ కి వచ్చాయని అంటున్నారు. ప్రస్తుతం ఈ ఇద్దరు సినిమాల్లో బిజీగా ఉన్నారు. ఈ ప్రాజెక్టులు కంప్లీట్ అయిన తరువాత ఈ సినిమా పట్టాలు ఎక్కబోతుందట. గతంలో త్రివిక్రమ్ రామ్ చరణ్ తో యాడ్ తీసినప్పటి నుండి ఈ వార్తలు షికార్లు చేస్తున్నా, అవి ఇప్పుడు కార్యరూపం దాల్చబోతున్నాయి. పవన్ కళ్యాణ్‌తో సినిమా చేస్తున్న త్రివిక్రమ్ శ్రీనివాస్ ఈ చిత్రం పూర్తయిన తర్వాత చరణ్ సినిమాపై దృష్టి పెట్టనున్నాడట. రామ్ చరణ్ ప్రస్తుతం తెలుగులో వంశీ పైడిపల్లి దర్శకత్వంలో చేసిన ‘ఎవడు' విడుదలకు సిద్దంగా ఉంది. మరో వైపు కొరటాల శివ దర్శకత్వంలో మరో సినిమా చేయబోతున్నాడు. ఈ రెండు ప్రాజెక్టుల తరువాత చరణ్ త్రివిక్రమ్ సినిమాలో చేయనున్నాడు. మొత్తానికి మాటల మాంత్రికుడిగా పేరు తెచ్చుకున్న త్రివిక్రమ్ రాబోయే రోజుల్లో మెగా హీరోల మెగా డైరెక్టర్ కాబోతున్నాడని సినీ జనాలు అంటున్నారు.