పవన్ రియల్ ఫైట్స్ కొత్త సినిమాలో

Posted: 06/19/2013 03:51 PM IST

పవర్ స్టార్ పవన్ కళ్యాణ్ తనలో ఉన్న కళలలను ప్రేక్షకులకు చూపించి అలరిస్తాడు. సినీ కెరియర్ మొదట్లో మార్షల్స్ ఆర్ట్స్ నేర్చుకున్న పవన్ కళ్యాణ్ దానిని తమ్ముడు సినిమాలో ప్రేక్షకుల ముందు ప్రదర్శించి అలరించాడు. ఆ తరువాత ఖుషి చిత్రంలో తానే స్వయంగా ఫైట్లు కంపోజ్ చేసుకొని మంచి హిట్ సాధించాడు. ఇక ఆ తరువాత నుండి మార్షల్ ఆర్ట్స్ ని ప్రక్కన పెట్టిన పవన్ తాజాగా తనలోని ఆ కళను బయటకు తీసి తను ప్రస్తుతం త్రివిక్రమ్ శీనివాస్ దర్శకత్వంలో నటిస్తున్న సినిమాలో తానే స్వయంగా ఫైట్లు కంపోజ్ చేసుకున్నాడని, ఆ సీన్లు సినిమాకే హైలెట్ అవుతాయని ఆ చిత్ర యూనిట్ సభ్యులు నుండి అందుతున్న సమాచారం. ప్రస్తుతం స్పెయిన్ లో ఈ చిత్రం షూటింగ్ జరుగుతోంది. హీరో హెలికాప్టర్ మీద నుంచి లాండ్ అయ్యి...అక్కడ గూండాలతో స్టైలిష్ ఫైట్ తో హీరో ఇంట్రడక్షన్ సీన్ ని భారిగా ప్లాన్ చేశారు. ఈ సీన్ కోసమే దాదాపు 2 కోట్ల వరకు ఖర్చు పెట్టారని అంటున్నారు. ఈ యాక్షన్ సన్నివేశాల తరువాత ఓ రెండు పాటల్ని కూడా అక్కడే చిత్రీకరించనున్నారు. మరి పవన్ ఆర్ట్స్ ప్రేక్షకుల్ని ఎంత వరకు మెప్పిస్తాయో చూడాలి.