యాక్షన్ 3డి మళ్లీ వాయిదా

Posted: 06/11/2013 06:53 PM IST

అల్లరి నరేష్ తొలిసారిగా ‘యాక్షన్ ’ 3డిలో చిత్రంలో నటిస్తున్న విషయం తెలిసిందే. కిక్ శ్యాం, వైభవ్, తదితరులు ప్రధాన పాత్ర దారులుగా రూపొందుతున్న ఈ చిత్రం మరోసారి వాయిదా పడింది. ఇప్పటికే ఎన్నో వాయిదాలు పడిన ఈ చిత్రాన్ని చివరగా ఈ నెల 14న విడుదల చేయడానికి సన్నాహాలు చేశారు. కానీ సెన్సార్ బోర్డు వాళ్లు చేస్తున్న ఆలస్యం కారణంగా ఈ చిత్రాన్ని ఈనెల 21కి అంటే మరో వారం రోజులు వాయిదా వేశారు. అనిల్ సుంకర్, రామబ్రహ్మం నిర్మిస్తున్న ఈ చిత్రాన్ని 2డి తోపాటు, 3డిలో కూడా విడుదల చేయబోతున్నారు. అయితే ఈ చిత్రం వాయిదా పడటానికి ఫిలిం నగర్ నుండి వేరే వార్తలు వినబడుతున్నాయి. ఈనెల 14వ తేదిన ఏకంగా 4 సినిమాలు విడుదల కాబోతున్నాయి. ఒకవేళ జనాలకు ఈ చిత్రం నచ్చకపోతే కలెక్షన్ల పై ప్రభావం చూపుతుందని భావించి విడుదలను వాయిదా వేశారని అంటున్నారు. మరి 21 వ తేదీనైనా విడుదల అవుతుందో లేదో చూడాలి. భారతీయ సినీ రంగ చరిత్రలో 3డిలో రూపొందిన తొలి కామెడీ చిత్రం ఇదేకావడం విశేషం.