సోనాక్షి కాదు-అనుష్కే

Posted: 06/01/2013 04:16 PM IST

ప్రముఖ దర్శకుడు రాజమౌళి భారీ తారాగణంతో పాటు భారీ బడ్జెట్ తో రూపొందించబోతున్న ‘బహుబలి ’ సినిమా కు సంబంధించి ఏదో ఒక వార్త వెలువడటం, దాని పై చిత్ర యూనిట్ సభ్యులు గానీ, రాజమౌళి గాని స్పందించడం సర్వ సాదారణం అయిపోయింది. ఇటీవల ఈ సినిమా పై అనేక రూమర్లు రాగా తాజాగా ఈ సినిమా హిందీ వెర్షన్ లో హీరోయిన్ గా అనుష్కను తీసివేసి, సోనాక్షి సిన్హాను తీసుకోబోతున్నారని, దీనికి ఆమె నుండి సమాధానం రాలేదని వార్తలు వచ్చాయి. ఈ వార్తల పై రాజమౌళి ట్విట్టర్ లో స్పందించాడు. బాహుబలిలో సోనాక్షి నటించడం లేదని స్పష్టం చేసారు. అనుష్క లీడ్ హీరోయిన్ పాత్రకు ఖరారైందని, మరో హీరోయిన్ ఫైనలైజ్ కావాల్సి ఉందని తెలిపారు. అదే విధంగా తాను కూడా ఈ చిత్రంలో నటించడం లేదని, కేవలం దర్శకుడిగా నా పని తెర వెనక మాత్రమే అని స్పష్టం చేసారు. ఇప్పటికే ఇలాంటి వార్తలు వినివిని చిరాకెత్తిన జనాలు ఈ సినిమా పబ్లిసిటీ స్టంట్ కోసం వారు ఆడే నాటకమా లేక గాసిప్ రాయుళ్ళు పుట్టించే మాటలకు సినీ జనాలు బలై ఏది నమ్మాలో ఏది నమ్మకూడదో తెలియని అమోయమంలో పడిపోతున్నారని అంటున్నారు. మరి ఇప్పటికైనా ఈ సినిమా గురించి రూమర్లు అగుతాయో లేదో చూడాలి.