బాలీవుడ్ లో కూడా హిట్ ఫేర్ అవుతారా ?

Posted: 04/24/2013 08:06 PM IST

సినిమా ఇండస్ట్రీలో సెంటిమెంట్ ను బాగా ఫాలో అవుతారు. ఏదైనా ఒక జంట నటించిన సినిమా మంచి హిట్ అయితే, వారి మధ్య కెమిస్ట్రీ బాగా వర్కట్ అయితే... ఆ సినిమాకు హిట్ ఫెయిర్ గా ముద్ర పడుతుంది. దీన్ని కొందరు దర్శకులు క్యాచ్ చేసుకొని తరువాత సినిమాలో కూడా వారినే తీసుకుంటారు. టాలీవుడ్ లో మంచి హిట్ ఫెయిర్ గా పేరు తెచ్చుకున్న రామ్ చరణ్ - కాజల్ జంట ఈసారి బాలీవుడ్ లో కూడా మెరవబోతున్నారని అంటున్నారు. ప్రస్తుతం బాలీవుడ్ లో జంజీర్ రీమేక్ లో నటిస్తున్న రామ్ చరణ్ త్వరలో తన రెండో సినిమా కరణ్ జోహార్ దర్శకత్వంలో చేయబోతున్న విషయం తెలిసిందే. ఈ సినిమాలో ఈ జోడీని తీసుకోవాలని అనుకుంటున్నాడట. ప్రసిద్ధ నవల 'ఇమ్మోర్టల్స్ ఆఫ్ మెలుహా'’ ఆధారంగా ఈ సినిమా రూపొందబోతున్నదని వార్తలు వినిపిస్తున్న విషయం తెలిసిందే. ఇక ఈ వార్తలకు బలం చేకూరేట్లుగా..... ఈ నవలలో పార్వతి పాత్ర తన డ్రీం రోల్ అని ఇటీవల కాజల్ చెప్పడం గమనార్హం . టాలీవుడ్ లో హిట్ అయినా ఈ జంట బాలీవుడ్ ఏమౌవుతుందో చూడాలి.