Posted: 04/04/2013 12:07 PM IST

పవర్ స్టార్ పవన్ కళ్యాణ్ కి దాదాపు పది సంవత్సరాల తరువాత హిట్ ఇచ్చిన సినిమా ‘గబ్బర్ సింగ్ ’. ఈ సినిమా ఎలాంటి రికార్డులు స్రుష్టించిందో మనందరికి తెలిసిన విషయమే. ఈ సినిమాకి సీక్వెల్ గా ‘గబ్బర్ సింగ్ - 2 ’ తీస్తున్నారనే వార్తలు వినిపిస్తున్న విషయం తెలిసిందే. అయితే ఈ సినిమాని గబ్బర్ సింగ్ డైరెక్టర్ హరీష్ శంకర్ డైరెక్ట్ చేస్తాడని అనుకున్నారు. ఈ మధ్య పవన్ కళ్యాణ్ స్వయంగా ఈ సినిమా కోసం స్ర్కిప్టు రాస్తుడని, ఆయన సొంత బ్యానర్ లోనే ఈ సినిమాని నిర్మించబోతున్నాడని కూడా వార్తలు వచ్చాయి. అయితే ఇప్పుడు ఫిలింనగర్లో కొత్తగా వినిపిస్తున్న వార్త ఏంటంటే... కధా, మాటల రచయితగా పేరు తెచ్చుకున్న కోన వెంకట్ మెగా ఫోన్ పట్టి ‘గబ్బర్ సింగ్ - 2 ’ చిత్రానికి దర్శకత్వం వహించబోతున్నాడని అంటున్నారు. అయితే రెండో గబ్బర్ సింగ్ కు అంచనాలు శిఖర స్థాయిలోనే ఉంటాయి కాబట్టి, తొలిసారి మెగాఫోన్ పట్టబోతున్న కోనవెంకట్ ఆ స్థాయిలో పవన్ ని డైరెక్ట్ చేస్తాడా లేదా అనే సందేహం అభిమానుల్లో నెలకొంది. ఇటీవలే మిర్చి సినిమా ద్వారా దర్శకుడిగా మారిన కొరటాల శివ లాగే ఈయన కూడా విజయం సాధిస్తాడో లేదో చూడాలి.