Posted: 03/26/2013 12:25 PM IST

టాలీవుడ్ టాప్ రేసులో దూసుకుపోతూ, తన అంద చందాలతో ప్రేక్షకులను మైమరపిస్తున్న మిల్కీ బ్యూటీ తమన్నా ‘హిమ్మత్ వాలా ’ సినిమాతో బాలీవుడ్ లో తెరంగ్రేటం చేస్తున్న విషయం తెలిసిందే. ఈ సినిమా షూటింగులో తమన్నాని దర్శకుడు ఆటపట్టించాడట. అది అర్థం కాక తమన్నాకి కొద్దిసేపు మతిపోయిందట. ఇంతకీ అసలు విషయం ఏంటేంటే... ఈ సినిమా షూటింగు టైంలో ఆ సినిమా దర్శకుడు ఐదుగురు అస్టిస్టెంట్ డైరెక్టర్లను వరుసగా పంపించి తమన్నాకి ఐ లవ్యూ చెప్పమన్నాడట. దీంతో వారు ఒకరి తరువాత ఒకరు వెళ్లి ఐ లవ్యూ చెబుతుండటంతో  ఆ టైంలో తమన్నాకి ఏం చేయాలో పాలుపోలేదట. చివరికి అసలు విషయం తెలుసుకొని హమ్మయ్య అనుకుందట. ఈ సీన్ జరుగుతున్నంత సేపు అక్కడున్న వారు కడుపుబ్బ నవ్వుకున్నారట. బాలీవుడ్ లో ఇలాంటి సంఘటనలు చాలా కామన్ అయినా, తమన్నాకి తొలిసారి ఇలాంటి అనుభవం ఎదురవడంతో షాక్ తిందట.