Posted: 03/22/2013 05:29 PM IST

టాలీవుడ్ లో ఒకప్పుడు ప్రేమ కథా చిత్రాలు చేసి లవర్ భాయ్ గా పేరు తెచ్చుకున్న ఉదయ్ కిరణ్ కి ఆ తరువాత అవకాశాలు లేకుండా పోయాయి. తెలుగు నుండి తమిళ్ ఇండస్ట్రీకి వెళ్ళి అక్కడ అప్పుడప్పుడు ఓ సినిమా చేస్తూ నేను ఇంకా ఉన్నానని చెప్పుకుంటున్న ఈయన ఇటీవల ‘జై శ్రీరామ్ ’ అనే సినిమాలో నటించాడు. ఈ సినిమా తెలుగు తమిళ భాషల్లో విడుదల అయింది. ఇంత వరకు బాగానే ఉంది కానీ... ఉదయ్ కిరణ్ బడాయి మాటలు చూస్తే ఎవరికైనా అబ్బో అనిపిస్తుంది. ఈయన ఈ సినిమాకు సంబంధించిన కార్యక్రమంలో మాట్లాడుతూ... ‘రజనీసార్, కమల్ సార్, ప్రకాష్ రాజ్ సార్ లాంటి నటదిగ్గజాలను పరిచయం చేసిన బాలచందర్ గారే ' పొయ్ ' సినిమాతో నన్ను తమిళ తెరకు పరిచయం చేశారు. ఈ మధ్యకాలంలో నా పరిస్థితుల దృష్ట్యా ఆయన నమ్మకాన్ని వమ్ము చేస్తానేమో అనిపించింది. కానీ, మళ్లీ ఈ సినిమాతో విశ్వాసం కుదరింది. రజనీ, కమల్ స్థాయికి చేరుకోగలననిపించింది అంటూ బడాయి మాటలు మాట్లాడాడు. దీంతో అక్కడ వారు ఈయనకు ఈ అవకాశం రావడమే గొప్ప, అలాంటిది కమల్, రజినీల స్థాయికి వెళతాననడం విచిత్రంగా ఉందని అక్కడి వారు అనుకున్నారు.