Posted: 03/09/2013 09:02 PM IST

టాలీవుడ్ లో ఒకప్పుడు హిట్ పెయిర్ గా పేరొందిన నాగార్జున, శ్రేయ జోడి మళ్లీ ఇన్నాళ్ళ తరువాత కలిసి నటించబోతున్నారా ? నాగార్జున తరువాతి సినిమాలో శ్రేయ కథానాయికగా ఎంపికైందా అంటే అవుననే అంటున్నాయి టాలీవుడ్ చిత్ర వర్గాలు. అక్కినేని నాగేశ్వరరావు, నాగార్జున, నాగచైతన్య కలిసి నటిస్తున్న సినిమా 'మనం'. 'ఇష్క్' సినిమాతో మంచి గుర్తింపు తెచ్చుకున్న విక్రంకుమార్ ఈ సినిమాకు దర్శకత్వం వహిస్తున్నారు. శ్రేయ నాగ్ సరసన ఎంపిక కావడంతో ఆమెకు మంచి రోజులు వచ్చినట్లేనని అంటున్నారు. ఇటీవల కాలంలో విజయాలకు దూరం అయిన ఈ సినిమాతో మళ్లీ ఫాంలోకి వస్తుందని అంటున్నారు. ఇక ప్రస్తుతం ఈ అమ్మడు జనార్థన ‘మహర్షి ’  దర్శకత్వం వహిస్తున్న ‘పవిత్ర ’ సినిమాలో వేశ్య పాత్ర పోషించింది.