Posted: 02/21/2013 10:29 AM IST

మెగాపపర్ స్టార్ రామ్ చరణ్ తేజ్ ఇటు టాలీవుడ్ లోనే కాకుండా బాలీవుడ్ లో కూడా సినిమాలు చేస్తూ బిజీబిజీగా ఉన్నాడు. ప్రస్తుతం అమితాబ్ బచ్చన్ నటించిన జంజీర్ సినిమా రీమేక్ ద్వారా హిందీ చిత్ర పరిశ్రమలోకి అడుగుపెట్టిన ఈయన ఆ సినిమా షూటింగు పూర్తి కాకముందే బాలీవుడ్ లో రెండో చిత్రానికి గ్రీన్ సిగ్నల్ ఇచ్చాడని టాలీవుడ్ వర్గాల సమాచారం. అయితే గతంలో ఓ సందర్భంలో మాట్లాడుతూ బాలీవుడ్ లో మరిన్ని ఆఫర్లు వస్తున్నాయని చెప్పిన చరణ్, కథ నచ్చితే చేయడానికి రెడీ అని చెప్పాడు. అయితే ఓ ప్రసిద్ధ బాలీవుడ్ సంస్థ ఆకట్టుకునే కథాంశంతో రామ్ చరణ్ ఇమేజ్ కి తగ్గ కథను వినిపించడంతో వెంటనే ఒప్పేసుకున్నాడని అంటున్నారు. ఇక ఈ సినిమాలో ఓ బాలీవుడ్ స్టార్ హీరోయిన్ ని తీసుకోనున్నారట. అయితే ఎన్ని హిందీ ఆపర్లు వచ్చినా తన మొదటి ప్రాధాన్యం తెలుగుకే అని రామ్ చరణ్ అంటున్నాడు. ఏది ఏమైనా చరణ్ బాలీవుడ్ లో కూడా పాగా వేయడానికి ప్రయత్నిస్తున్నాడని టాలీవుడ్ వర్గాలు అంటున్నాయి.