Posted: 01/04/2013 02:22 PM IST

        కొంచెం సేపటిక్రితం సీతమ్మవాకిట్లో సిరిమల్లె చెట్టు ప్రెస్ మీట్ జరిగింది. సినిమాను ఈనెల 11 రిలీజ్ చేస్తామని నిర్మాత దిల్ రాజు అధికారికంగా ప్రకటించారు. ఈ సందర్భంగా పెళ్లి సందర్భంలోని పాటను విడుదల చేశారు. విడుదలైందే తడవుగా ఈ పాటకు విపరీతమైన ఆదరణ కనిపిస్తుంది. ఎంతో ట్రెడిషనల్ గా, కలర్ ఫుల్ గా, ప్లజంట్ గా రిచ్ అండ్ బ్యూటిఫుల్ లుక్ అందరి మెప్పునూ పొందుతోంది. నెట్ లో అప్పుడే హల్ చల్ మొదలైపోయింది ఈ పాట గురించి.. దిగువకనిపిస్తోన్న ఈ సాంగ్ అదే..
         ఇంకా, ఈ సందర్భంగా నిర్మాత దిల్ రాజు ఇంకా ఏమన్నారంటే..  ‘జనవరి 11 అమావాస్య కావడం వల్ల జనవరి 10 రోజు సాయంత్రమే ప్రీమియర్ షో వేస్తున్నాం. అది ఒక్క షోనా లేక ఎక్కువ షోలా అనేది ఇంకా డిసైడ్ అవ్వలేదు. ఆ విషయాన్ని త్వరలోనే తెలియజేస్తాం. త్వరలోనే మూవీని సెన్సార్ కు పంపించనున్నాం.’ అని వెల్లడించారు. అంటే అనుకున్న సమయానికి కొన్ని గంటల ముందునుంచే సీతమ్మ వాకిట్లో సందడి షురూ అన్న మాట.
         విక్టరీ వెంకటేష్ – సూపర్ స్టార్ మహేష్ బాబు అన్నదమ్ములుగా నటిస్తున్న ఈ సినిమాకి శ్రీకాంత్ అడ్డాల డైరెక్టర్. సమంత – అంజలి హీరోయిన్స్. మిక్కీ జె మేయర్ మ్యూజిక్.

...avnk