Posted: 12/27/2012 03:38 PM IST

       కొత్తదనానికి ఎప్పడూ స్వాగతం పలికే యంగ్ హీరో శర్వానంద్ లేటెస్ట్ ఫిల్మ్ ‘కో అంటే కోటి’. రేపు విడుదల కాబోతోన్న ఈ చిత్రానికి సెన్సార్ బోర్డు నుండి ‘A’ సర్టిఫికేట్ ఇచ్చింది. హింస, కొంత అసభ్యకరమయిన భాష కారణంగానే ‘A’ వచ్చినట్టు సెన్సార్ వర్గాలు చెబుతున్నాయి.  ఈ చిత్రం ఆంధ్రప్రదేశ్ తోపాటు అమెరికాలోనూ రేపు భారీగా విడుదల కానుంది.
        ఇక ఈ మూవీ కథంశాన్ని హీరో కమ్ ప్రొడ్యూసర్ శర్వా ఇలా వర్ణిస్తున్నారు. ‘భారీ విజయాలు లేకపోయినా ఇంతకాలం పరిశ్రమలో ఉన్నానంటే... నా ఎంపికల వల్లే.. ప్రతిసారీ కొత్తగా ప్రయత్నిస్తున్నా.. కథల ఎంపిక, నటనలో వైవిధ్యం చూపిస్తున్నాను. ఈసారి కూడా ప్రయత్నించాను. సక్సెస్‌ సాధిస్తానన్న నమ్మకం నాకుంది’. అంటున్నారు శర్వానంద్‌.  కథ గురించి చెబుతూ... వంశీ అనే అనాథ కథ ఇది. నాకెవరూ చెప్పలేదు. బతకడం ఇలాగా అని. మంచో చెడో ఎలానో బతికేయడమేకావాలి.. అనే డైలాగ్‌లోనే సినిమా కథంతా ఉంది. ఇది నాటు సబ్జెక్ట్‌. కథ డబ్బు చుట్టూ తిరిగినా డబ్బే లోకం కాదు. ప్రస్తానం కంటే ఓ మెట్టు పెంచే సినిమా ఇది.
        అలాగే శ్రీహరి కీలక పాత్రలో అద్భుతంగా నటించారు. సత్యపాత్రలో ప్రియా నాంద్‌ సరిగ్గా సరిపోయింది. రాజమండ్రి యాసలో సొంతంగా డబ్బింగ్‌ కూడా చెప్పింది తను. 'ఆవకాయ్ బిర్యానీ' తర్వాత మూడేళ్ళు శ్రమించి అనీష్‌ కుర్‌విల్లా చక్కటి కథను తీసుకువచ్చి నాకు చెప్పారు. చేద్దాం అని అన్నా కానీ, నిర్మాతగా మారతానని అనుకోలేదు.. తొలిసారిగా నిర్మాతగా చాలా బాధ్యతలు నిర్వహిస్తూ కథానాయకుడిగా చేశాను. ఒకరకంగా నిర్మాతగా ఉండడం కత్తిమీదసామే  అన్నారు.
            ఈ చిత్ర నిర్మాత శర్వానంద్ ఆంధ్రప్రదేశ్ లో సినిమాని విడుదల చేస్తున్నారు. అనీష్ కురువిల్ల దర్శకత్వం వహించిన ఈ చిత్రానికి శక్తి కాంత్ కార్తీక్ సంగీతం అందించారు. ప్రియ ఆనంద్ కథానాయికగా నటించగా శ్రీహరి కీలక పాత్రలో కనిపించనున్నారు. శర్వా ఆర్ట్స్‌ బేనర్‌పై స్వీయనిర్మాణంలో రూపొందించిన ఈచిత్ర సమర్పకులు మైనేని వసుంధరదేవి.

...avnk