Posted: 12/24/2012 06:27 PM IST

టాలీవుడ్ లో ఓటమి అంటూ ఎరుగని దర్శక ధీరుడు రాజమౌళి ప్రస్తుతం యంగ్ రెబల్ స్టార్ ప్రభాస్ తో తన తరువాతి ప్రాజెక్టు కోసం సన్నాహాలు చేస్తున్న విషయం తెలిసిందే చారిత్రాత్మక నేపథ్యంలో రూపొందబోయే ఈ సినిమా కోసం రాజమౌళి పక్కాగా ప్లాన్ చేస్తున్నాడని అంటున్నారు. ఇందుకోసం భారీ సెట్స్ కూడా వేయించుతున్నట్లు వార్తలు. ఇక ఈ మధ్యనే ఈగ సినిమాతో బాలీవుడ్ లో అడుగు పెట్టిన రాజమౌళి ఈ సినిమాని కూడా అక్కడ విడుదల చేయడానికి ప్లాన్ చేస్తున్నాడట. ఇందులో ఓ కీ రోలు పాత్ర కోసం ప్రముఖ టాలీవుడ్ నటుడు అయిన రానా తీసుకోబోతున్నాడని, ఆ పాత్రకు రాణా కరెక్టుగా సూట్ అవుతాడని భావించి ఆయన్ని సంప్రదించాడట. ఈ పాత్ర గురించి విన్న రాణా వెంటనే ఓకే చెప్పినట్లు టాలీవుడ్ సినీ వర్గాల సమాచారం. ఇక ఇందులో హీరోయిన్ గా ఓ బాలీవుడ్ తారను తీసుకోబోతున్నట్లు కూడా వార్త. ఏది ఏమైనా అసలే రాజమౌళి ప్రభాస్, ఇప్పుడు మరో హీరో జత అవ్వడంతో ఈ సినిమా పై ఇంకా భారీ అంచనాలు పెరిగాయి అంటున్నారు సినీ జనాలు.