Posted: 12/23/2012 06:00 PM IST

టాలీవుడ్ లో ఒకప్పుడు టాప్ రేసులో దూసుకుపోయిన చెన్నై చిన్నది త్రిషకి ఇప్పుడు పెద్దగా అవకాశాలు లేదు. అడపాదడపా అవకాశాలు చిన్న హీరోల ప్రక్కన వస్తున్నాయి. ప్రస్తుతం వాటితోనే కాలం గడుపుతున్న త్రిషకి ప్రముఖ నిర్మాత అయిన ఎంఎస్  రాజు ఓ లేడీ ఓరియెంటెడ్ చిత్రంలో ఆఫర్ ఇచ్చాడు. త్రిషను టాలీవుడ్ కి తన బ్యానర్ ద్వారా పరిచయం చేసిన భారీ హిట్ కొట్టిన ఎంఎస్ రాజు, ఇప్పుడు అదే సెంటిమెంటుతో త్రిషను పెట్టి ఓ చిత్రాన్ని ప్లాన్ చేశాడు. తన స్వీయ దర్శకత్వంలో రూపొందే 'రమ్‌' చిత్రంలో ఆమెను రంభగా ఖరారు చేసారు. ముగ్గురు హీరోయిన్స్ ఉంటారు. ఈ చిత్రానికి ‘రమ్ ’ అని పేరు పెట్టారు. ఇంగ్లీష్ అక్షరాల ఆధారంగా ఖరారు చేసిన ఈ టైటిల్ పూర్తి పేరు ‘రంభ.. ఊర్వశి...మేనక’. అవును చిత్రంలో నటించిన పూర్ణ ఇందులో మరో హీరోయిన్. ఇంకో హీరోయిన్ ఖరారు కాలేదు. దేవిశ్రీప్రసాద్‌ స్వరాలు సమకూరుస్తారు. విదేశాల్లో కొంత మేరకు షూటింగ్ కి ప్లాన్ చేశారు. మరి త్రిష రంభగా ఏ మాత్రం ప్రేక్షకుల్ని మెప్పిస్తుందో చూడాలి.