Posted: 12/04/2012 11:41 AM IST

        కేంద్రమంత్రి చిరంజీవి ఆకస్మిక పర్యటనకు అంతా అవాక్కయ్యారు. అవును.. 'జంజీర్' సినిమా షూటింగ్ జరుగుతూ ఉండగా హఠాత్తుగా ఆ సినిమా సెట్లోకి వచ్చేసి ఆశ్చర్యపరిచారు. రామ్ చరణ్ - ప్రియాంకా చోప్రా జంటగా అపూర్వ లఖియా రూపొందిస్తోన్న 'జంజీర్' చిత్రం షూటింగ్  హైదరాబాదులో జరిగిన విషయం తెలిసిందే. ఈ సినిమాకి సంబంధించిన కొన్ని కీలకమైన సన్నివేశాలను చిత్రీకరిస్తూ ఉండగా చిరంజీవి హఠాత్తుగా అక్కడ ప్రత్యక్షమయ్యారు. చిరు రాకగురించి ముందస్తు సమాచారం లేకపోవడం, చరణ్ కి కూడా ఆ విషయం తెలియకపోవడంతో యూనిట్ సభ్యులంతా ఒక్కసారిగా ఆశ్చర్యపోయారు.
        ఆ తరువాత చిరంజీవికి దర్శకుడు అపూర్వ లఖియాతో పాటుగా ప్రియాంకా చోప్రా తదితరులు ఆత్మీయ స్వాగతం పలికారు. అక్కడ కొంతసేపు గడిపిన చిరంజీవి, దర్శకుడు అపూర్వ లఖియాను ఈ సినిమా గురించిన విశేషాలను, సినీ నిర్మాణంలో ఎదుర్కొంటున్న సవాళ్లను చిరు అడిగితెలుసుకున్నారు.

....avnk