Posted: 12/03/2012 05:19 PM IST

తెలుగులో చాలా సంవత్సరాల తరువాత వస్తున్న బిగ్గెస్ట్ మల్టీస్టారర్ చిత్రం ‘సీతమ్మ వాకిట్లో సిరిమల్లె చెట్టు ’ ఈ సినిమా షూటింగ్ దాదాపుగా చివరి దశకు చేరుకుంది. ఇక అభిమానులు ఎప్పుడెప్పుడా అని ఎదురు చూస్తున్న ఆడియో కూడా ఈనెల 15వ తేదీన వెంకటేష్ బర్త్ డే కానుకగా విడుదల చేయడానికి సన్నాహాలు చేస్తున్నారు. దిల్ రాజు నిర్మిస్తున్న ఈ చిత్రం యొక్క ఆడియో వేడుక ఎక్కడ అని అభిమానుల్లో ఆసక్తి మొదలైంది. ప్రముఖ నిర్మాతగా పేరుత తెచ్చుకున్న దిల్ రాజు ఏపని చేసినా ముందు చూపుతో చేస్తాడు. ఈ సినిమా ఆడియో వేడుక విషయంలో కూడా అలానే చేశాడని సమాచారం. ప్రముఖ నిర్మాత అయిన సురేష్ బాబు తనయ మాళవిక వివాహం ఈ నెల 5 న హైదరాబాదులో ఘనంగా జరుగుతున్న విషయం మనకు తెలుసు. ఇందుకోసం నగర శివారు నానక్ రాం గూడాలోని రామానాయుడు స్టూడియోలో అద్భుతమైన వివాహ వేదికను తయారుచేయించారు. ఈ వివాహ వేదిక ఖర్చులో దిల్ రాజు కొంత వరకు భరించాడట. ఎందుకంటే.... ఈ పెళ్ళి తరువాత ఆడియోని అదే వేదిక పై విడుదల చేస్తారని అంటున్నారు. అందుకే దిల్ ఆ ఖర్చులో కొంత భరించాడని అంటున్నారు. సో... సీతమ్మ వాకిట్లో సిరిమల్లె చెట్టు ఆడియో వేడుక రామానాయుడు స్టూడియో జరగనుందని ఫిలింనగర్ టాక్.