Posted: 11/29/2012 12:48 PM IST

     

ఇంతకాలం తెరవెనుక నుండి కథనడిపించిన ప్రముఖ దర్శక రచయిత త్రివిక్రమ్ శ్రీనివాస్ ఇప్పుడు వెండితెరమీద కూడా కదలాడబోతున్నాడు.  పవన్ కల్యాణ్ కథానాయకుడుగా తాను రూపొందిస్తున్న చిత్రంలో (వర్కింగ్ టైటిల్ 'సరదా') త్రివిక్రమ్ ఓ ముఖ్య పాత్రను పోషిస్తున్నట్టు సమాచారం.
      అయితే త్రివిక్రమ్ ని యాక్ట్ చేయమని పట్టుబట్టింది మాత్రం పవర్ స్టార్ పవన్ కళ్యాణ్ అని తెలుస్తోంది.   కథలో కీలకమైన ఈ పాత్రలో త్రివిక్రమ్ ని నటించమని పవన్ సూచించిన మీదటే త్రివిక్రమ్ అంగీకరించారట.  ఇకమీదట తెరమీద ఏ సంచలనాలు చేయబోతున్నాడో ఈ మాటల మాంత్రికుడు.

         ఇదిలా ఉండగా, పవర్ స్టార్ పవన్ కళ్యాణ్ బ్లాక్ బస్టర్ మూవీ  గబ్బర్ సింగ్ బాక్స్ ఆఫీస్ వద్ద రికార్డులను నెలకొల్పి టాలీవుడ్ టాప్ గ్రాసర్ మూవీస్ లిస్టులో చేరిపోయింది. 2012 మే 11న విడుదలైన ఈ సినిమా 200 రోజులు (డబుల్ సెంచురీ) పైగా కొన్ని థియేటర్లలో ప్రదర్శింపబడుతోంది.
         హిందీలో వచ్చిన ‘దబాంగ్’ సినిమాకి రిమేక్ గా తీసిన ఈ సినిమాని తెలుగు నేటివిటీకి తగ్గట్టుగా కథలో చాలా మార్పులు చేసి తీసిన సంగతి తెలిసిందే. విచిత్రం ఏంటంటే  ‘గబ్బర్ సింగ్’ లోని కొన్ని సీన్స్ ని తాజాగా వస్తోన్న హిందీ వెర్షన్ దబాంగ్ 2 లో వాడుకుంటున్నారు.
          హరీష్ శంకర్ డైరెక్ట్ చేసిన ఈ ఇండస్ట్రీ బ్లాక్ బస్టర్ మూవీని పరమేశ్వర ఆర్ట్ ప్రొడక్షన్స్ బ్యానర్ పై బండ్ల గణేష్ నిర్మించారు. పవన్ కళ్యాణ్ సరసన శృతి హాసన్ హీరోయిన్ గా నటించిన ఈ సినిమాకి యంగ్ తరంగ్ దేవీ శ్రీ ప్రసాద్ అదిరిపోయే ట్యూన్స్ ని అందించారు.

...avnk