Posted: 09/26/2012 08:23 PM IST

        గబ్బర్ సింగ్ సినిమా తరువాత పవన్ కళ్యాణ్ నటిస్తున్న ‘కెమెరామెన్ గంగతో రాంబాబు’ సినిమా కోసం అభిమానులు ఆస్తకిగా ఎదురు చూస్తున్నారు. సంచలనాల దర్శకుడు పూరీజగన్నాథ్ సారధ్యంలో తెరకెక్కుతోన్న ఈసినిమాకు  మణిశర్మ స్వరాలు సమకూర్చారు. ఈ సినిమా పాటలు ఇవాళ (బుధవారం) విడుదల అయ్యాయి. ఈ పాటలకు భాస్కరభట్ల సాహిత్యాన్ని అందించారు. కెమెరామన్ గంగతో రాంబాబు పాడిన పాటలు ఎలా ఉన్నాయో సమీక్షిద్దాం..
మొదటి పాట : కెమెరామాన్ రాంబాబు.. థీమ్ సాంగ్ ఈ సినిమాలో రాంబాబు వ్యక్తిత్వం వర్ణిస్తూ సాగే ఈ పాటను హేమ చంద్ర, కారుణ్య, నరేంద్ర పాడారు. ఈ పాట పవన్ అభిమానుల కోసమే ప్రత్యేకంగా రూపొందించినట్లుగా సాగుతుంది. ఈ పాటలోని పదాలు పవన్ అభిమానులను ఎంతోగానో ఆకట్టుకునే విధంగా ఉన్నాయి.
 రెండవ పాట : పిల్లని చూస్తే... కారుణ్య, చైత్ర ఆలపించిన ఈ పాట సరదా అయిన పదాలతో సాగుతుంది. ప్రేయసి ప్రియులు మధ్య సాగే ఈ పాట ఆలరించే విధంగా ఉంది.
మూడవ పాట : జ్వరమొచ్చింది... ఈ పాట వింటే ఇది సినిమాలో ఐటెం సాంగ్ ని చాలా ఈజీగా అర్థం అవుతుంది. ఈ పాటను శ్రవణ భార్గవి, మురళి గానం చేశారు. మాస్ కోసం ఉద్దేశించిన ఈ పాట అదే ఊపులో సాగుతుంది.
నాలుగవ పాట : ఎక్స్ ట్రార్డనరీ.... హేమ చంద్ర గానం చేసిన ఈ పాట వినసొంపుగా ఉంది. చిత్రీకరణ ఇలాంటి పాటలకు బాగా హెల్ప్ అవుతుంది.
 ఐదవ పాట : తలదించుకు బతుకుతావా... సందేశత్మంగా సాగే ఈ పాటను కారుణ్య, హేమ చంద్ర, శ్రీకృష్ణ, నరేంద్ర గానం చేశారు. కథలో భాగంగా వినిపించే ఈ పాటలో చాలా పదునైన పదాలను ఉపయోగించారు రచయిత.
ఆరవ పాట : మెలికలు తిరుగుతుంటే ... ఈ ఆల్బమ్ లో ఉన్న ఉషారు అయిన పాటగా ఈ పాటను పేర్కొనవచ్చు. నరేంద్ర, గీతా మాధురి గానం చాలా ఉషారుగా సాగుతుంది. అకట్టుకునే ఈ పాట అభిమానులకు చాలా ఉత్సాహం ఇస్తుంది.  మొత్తంగా పాటలన్నీ ప్రేక్షకులను ఆకట్టుకునే విధంగానే సాగాయి...

...avnk