Posted: 09/20/2012 01:02 PM IST

మెగా పవర్ స్టార్ రామ్ చరణ్ - వంశీ పైడిపల్లి డైరెక్షన్లో తెరకెక్కుతున్న ఎవడు చిత్ర షూటింగ్  వైజాగ్లో జరుగుతుంది. నిన్నవినాయక చవితి పండుగను బాగా ఎంజాయ్ చేసిన చరణ్ ఇవాళ చరణ్ ఎవడు షూటింగ్ లో బిజిబిజిగా గడుపుతున్నారు. సాగరతీరాన కొన్ని సన్నివేశాలు చిత్రీకరించేందుకు చిత్ర యూనిట్ శరవేగంగా సన్నాహాలు జరుపుతోంది.        
        ఇదిలా ఉండగా, ప్రముఖ కొత్త జంట రామ్ చరణ్-ఉపాసన తమ తొలి వినాయక చవితి పర్వదినాన్ని ఆనందోత్సాహాలతో సాగర నగరం విశాఖ పట్నంలో జరుపుకున్నారు. పెళ్లి తరువాత మొదటి వినాయక చవితి పండుగని వైజాగ్లో ఆనందంగా సెలబ్రేట్ చేసుకున్నారు. వైజాగ్లోని ఆశీలుమెట్ట వద్ద ఉన్న ప్రముఖ వినాయక మండపంలో భక్తి శ్రద్ధలతో పూజలు చేసారు. ఉదయం ఏడు గంటలకే అక్కడికి చేరుకొని ప్రత్యేక పూజలు చేసారు. ఆ తరువాత రామ్ చరణ్ దంపతులు గాజువాక సెంటర్లోని గుడి దగ్గరికి చేరుకొని 45 అడుగుల వినాయకుడికి దర్శించుకున్నారు. ఫ్యాన్స్ నడుమ వినాయకచవితి పండుగ జరుపుకోవడం ఆనందంగా ఉందని చరణ్ తన సంతోషాన్ని వెల్లడించారు.