Posted: 09/15/2012 06:09 PM IST

        ఇషాచావ్లా.. ప్రస్తుత కాలంలో వరుసగా పెద్ద హీరోల సరసన నటించే అవకాశాలు అందిపుచ్చుకుంటోన్న హీరోయిన్. ఇటీవల కొంత కాలంగా, వచ్చిన అవకాశాలను త్యజించి, సినిమాలకు దూరం గా ఉంటున్న ఇషాకు రెండు వారాలుగా అస్వస్థతగా ఉన్నట్టు సమాచారం. ఆమెకి, బ్రెయిన్ లో బ్లడ్ క్లాట్ అయినట్టుగా వార్తలు వస్తున్నాయి. సర్జెరీ తప్పనిసరి అని డాక్టర్లు చెప్పటంవల్లే కొంత కాలంపాటు ఆమె షూటింగులను పక్కన పెడుతున్నట్టుగా తెలుస్తోంది. ఈ సర్జెరీ కోసం ఆమె ఢిల్లీ లోని ఓ కార్పోరేట్ హాస్పిటల్లో అడ్మిట్ అయినట్లు చెబుతున్నారు. ఇటివల తన ట్విట్టర్ ఎకౌంటుని క్లోజ్ చేయటానికి కారణం కూడా ఇదేనని అంటున్నారు. ఇప్పుడిప్పుడే కథానాయికగా నిలదొక్కుకుంటున్న తరుణంలో ఇషాకి ఇలా జరగటం, కెరియర్ పై ప్రభావం చూపొచ్చని పరిశీలకులు భావిస్తున్నారు. ఇషాచావ్లా మేనేజర్ మాత్రం ఆమెకి కేవలం వైరల్ ఫీవర్ మాత్రమేననీ, ఆమె పుట్టి పెరిగింది ఢిల్లీ లోనే కాబట్టి అక్కడికి వెళ్లిందని చెబుతున్నాడు. మేనేజర్ మాటే నిజం కావాలని ఆశిద్దాం...

..avnk