Posted: 09/07/2012 01:22 PM IST

      విక్టరీ వెంకటేష్‌, సూపర్ స్టార్ మహేష్‌బాబు కలిసి నటిస్తున్న మల్టీస్టారర్‌ సినిమా 'సీతమ్మ వాకిట్లో సిరిమల్లె చెట్టు' విడుదల తేదీని నిర్మాత ఖరారు చేసినట్టు వార్తలు వస్తున్నాయి. ఈ చిత్రాన్ని డిసెంబర్‌ 21న విడుదల చేయటానికి నిర్మాత నిర్ణయం తీసుకున్నట్టు టాలీవుడ్‌ సమాచారం ! తన సినిమాల విషయంలో ప్రతి నిర్ణయాన్ని పక్కా ప్లానింగ్‌తో తీసుకునే దిల్‌రాజు, ఈ సినిమా విడుదలకు ఆ తేదీనే ఎంచుకోవడానికి పెద్ద కారణమే వుంది. డిసెంబర్‌ 21 శుక్రవారం అయింది. ఆరోజు విడుదల చేస్తే శని, ఆదివారాలు ఎలాగూ సెలవు దినాలు. మధ్యలో సోమవారం తీసేస్తే 25న క్రిస్మస్‌ కావటంతో వరుసగా 5 రోజులపాటు కలెక్షన్లకు ఢోకా ఉండదు. ఇలా తను సినిమా మీద పెట్టిన మొత్తాన్ని తెలివిగా రాబట్టడమే దిల్‌రాజు వ్యూహమని ఫిల్మ్‌ నగర్‌ సమాచారం.

...avnk