Posted: 09/03/2012 05:47 PM IST

        పవన్ కళ్యాణ్ తాజాగా మరో అమ్మాయితో బంధం మొదలుపెట్టినట్లు ప్రముఖ ఆంగ్ల దినపత్రిక ‘టైమ్స్ ఆఫ్ ఇండియా’ ఇవాళ (సోమవారం) సంచలన కథనం ప్రచురించింది. టైమ్స్ కథనం ప్రకారం వివరాలు ఇలా ఉన్నాయి.. ‘‘తీన్ మార్ సినిమాలో పవన్ సరసన కాసేపు కనిపించిన విదేశీ నటి డానా మార్క్స్ తో పవర్ స్టార్ కొన్నాళ్లుగా సహజీవనం చేస్తున్నాడు. వీరిద్దరికీ ఓ పాప కూడా పుట్టింది. వయసు మూడు నెలలు. బంజారా హిల్స్ లోని ఓ ఫ్లాట్ లో డానా నివాసముంటోంది.. పవన్ తరచుగా ఇక్కడికి వచ్చి డ్రైవ్స్ కి వెళ్తుంటారు. తీన్ మార్ సమయానికే పవన్ తన రెండో భార్య రేణుదేశాయ్ తో విడిపోయాడు. ఆ సినిమా షూటింగ్ సమయంలో డానాతో బంధం మొదలై, తర్వాత సహజీవనానికి దారితీసింది. పవన్ సినిమాలకు రాకముందే నందిని అనే విశాఖ అమ్మాయిని పెళ్లి చేస్కోవడం.. తర్వాత విడిపోవడం.. రేణు దేశాయ్ తో బంధం మొదలయ్యాక నందిని కోర్టుకెక్కడం.. చివరికి కోర్టు బయటే సమస్య పరిష్కారమై విడాకులు తీసుకోవడం తెలిసిందే. ఐతే ఓ బాబు పుట్టాక రేణును పెళ్లి చేసుకున్న పవన్ కు తర్వాత ఆమెతోనూ విడిపోక తప్పలేదు. వీరికి మరో పాప కూడా ఉంది. ప్రస్తుతం రేణు పుణెలో తల్లిదండ్రులతో కలిసి ఉంటోంది. పిల్లలిద్దరూ తల్లిదగ్గర కొన్నాళ్లు, తండ్రి దగ్గర కొన్నాళ్లు ఉంటున్నారు’’. అని ఆ పత్రిక వెల్లడించింది.

        అయితే.. ఇటీవల జరిగిన రామ్ చరణ్ పెళ్లి సందర్భంలో పవన్ కు తనకు మధ్య విభేదాలపై వస్తున్న వార్తలను రేణు దేశాయ్ కొట్టిపారేయటం గమనార్హం. ఎందుకు ఇలాంటి వార్తలు వస్తున్నాయో అని ఆమె అప్పుడు ఆశ్చర్యం సైతం వెలిబుచ్చారు. తమ బాబు చదువు నిమిత్తం మాత్రమే తాను పూణేలో ఉంటున్నాని, తనకు తన భర్త పవన్ కు మధ్య ఎలాంటి పొరపొచ్చాలు లేవని సైతం వెల్లడించింది. ఈ నేపధ్యంలో పవర్ స్టార్ పవన్ కళ్యాణ్ వ్యక్తిగత జీవితం మీద వచ్చిన ఈ కథనంలో  నిజమెంత... అనేది ప్రశ్నార్థకమైంది.

...avnk