Posted: 08/27/2012 05:17 PM IST

       'మంచి ఉద్యాగాల కోసమో, మెరుగయిన జీవన ప్రమాణాల కోసమో విదేశాలకు వెళ్లాల్సిన అవసరం లేదు, ఇప్పుడు మన దేశంలోనే చక్కని ఉద్యోగావకాశాలున్నాయి, వాటిని వినియోగించుకుంటే చాలు' అనే చిన్న సందేశానికి.. చిక్కని వినోదాన్ని జోడించి రూపొందుతున్న చిత్రం 'ఎన్నారై'. 'నౌ రిటర్న్‌ టు ఇండియా' అనేది ట్యాగ్‌లైన్‌. రోహిత్‌- శ్రావ్యారెడ్డి జంటగా, ఏరీస్‌ ప్రొడక్షన్స్‌ పతాకంపై రఘునందన్‌ గూడూర్‌ స్వీయ దర్శ కత్వంలో రూపొందుతున్న ఈ చిత్రంలోని పాటలు సెప్టెంబర్‌ 1న 'మధుర ఆడియో' ద్వారా విడుదల కాను న్నాయి. అనీష్‌ రాజ్‌ దేశ్‌ముఖ్‌ సంగీత దర్శకుడిగా పరిచయ మవుతున్న ఈ చిత్రం ద్వారా శ్రీమతి పద్మశ్రీ శ్రీనివాస్‌ గీత రచయిత్రిగా పరిచయమవుతుండడం విశేషం.
         'ఎన్నారై' ఆడియో ఆవిష్కరణ కార్యక్రమానికి పలువురు సినీ ప్రముఖులతోపాటు టిఆర్‌ఎస్‌ ముఖ్యనేతలు హరీష్‌రావు, మాజీమంత్రి కెప్టెన్‌ లక్ష్మీకాంతరావు ముఖ్యఅతిధులుగా హాజరుకానున్నారు. దీనికి సంబంధించిన వివరాలు దర్శకనిర్మాత రఘునందన్‌ గూడూర్‌ వెల్లడించారు.  ''విదేశాల్లో పలు సంవత్స రాలు ఉద్యోగాలు చేసిన వ్యక్తిగా.. విదేశీ నివాసంలో ఉండే కష్టాలు, నష్టాలు, భావోద్వేగప రమైన సమస్యలు నాకు బాగా తెలుసు. అందుకే నేను దర్శకుడిగా మారుతూ.. నేనే నిర్మిస్తూ రూపొందిస్తున్న ఈ చిత్రానికి అదే ఇతివృత్తాన్ని ఎంపిక చేసుకున్నాను. అలా అని ఇందులో సందేశాలమేమీ ఉండవు. వినోదానికి పెద్ద పీట వేస్తూ రూపొందిన చిత్రమిది. ఆస్ట్రేలియాలో కొంత భాగం, హైద్రాబాద్‌లో ఎక్కువ శాతం షూటింగ్‌ చేశాం. నిర్మాణ కార్యక్రమాలు పూర్తయ్యాయి. పోస్ట్‌ ప్రొడక్షన్‌ కార్యక్రమాలు కూడా దాదాపుగా ఓ కొలిక్కి వచ్చాయి. సెప్టెంబర్‌ 1న ఆడియో విడుదల చేసి, అదే నెల చివరికి సినిమాను ప్రేక్షకుల ముందుకు తీసుకువచ్చేందుకు సన్నాహాలు చేస్తున్నాం' అన్నారు.
       ఆహుతి ప్రసాద్‌, హేమ, శివారెడ్డి, గుండు హనుమంతరావు, ఫిష్‌ వెంకట్‌ ముఖ్య తారాగణంగా రూపొందుతున్న ఈ చిత్రానికి సంగీతం: అనీష్‌ రాజ్‌దేశ్‌ముఖ్‌, సాహిత్యం: శ్రీమతి పద్మశ్రీ శ్రీనివాస్‌, రచన- చిత్రానువాదం- నిర్మాత- దర్శకత్వం: రఘునందన్‌ గూడూర్‌.

...avnk