Posted: 08/18/2012 04:40 PM IST

పవర్ స్టార్ పవన్ కళ్యాణ్ హీరోగా, హరీశ్ శంకర్ దర్శకత్వంలో, బండ్ల గణేష్ నిర్మించిన ‘హిందీ దబాంగ్ ’ కి రీమేక్ గా తీసిన గబ్బర్ సింగ్ సినిమా తెలుగు సినిమా చరిత్ర రికార్డులు బద్దలు కొడుతూ... ఘన విజయం సాధించిన విషయం తెలిసిందే. ఈ సినిమా నేటితో 65 కేంద్రాలలో 100 రోజులు విజయ వంతంగా పూర్తి చేసుకుంది. ఈ విషయాన్ని ఆ సినిమా యూనిట్ అధికారికంగా ప్రకటించింది. శత దినోత్సవం పూర్తి చేసుకున్న సందర్భంగా పవన్ అభిమానులు సంబరాలు జరుపుకున్నారు. ఈ సందర్భాన్ని పురస్కరించుకొని ముషీరాబాద్ లో చిరంజీవి, పవన్ ఫ్యాన్స్ అభిమాన సంఘం అసోషియేషన్ అధ్యక్షుడు నూర్ మహమ్మద్ ఆద్వర్యంలో రక్తదాన శిబిరం నిర్వహించారు.

ఈ కార్యక్రమానికి అల్లు అరవింద్ ముఖ్యఅతిధిగా విచ్చేసి రక్తదాన శిబిరాన్ని ప్రారంభించారు. ఇందులో పవన్ అభిమానులు 150 వరకు రక్తదానం చేశారు. తెలుగు సనిమా చరిత్రలోనే ఈచిత్రం హైయ్యెస్ట్ గ్రాసర్‌గా నిలిచిందని దర్శక నిర్మాతలు ఇప్పటికే ప్రకటించారు. త్వరలో ఈ శతదినోత్సవ కార్యక్రమం నిర్వహించే యోచనలో నిర్మాత బండ్ల గణేష్ ఉన్నాడు.