Posted: 08/10/2012 06:40 PM IST

       రాష్ట్ర న్యాయ శాఖామంత్రి ఏరాసు ప్రతాప్‌రెడ్డి ముఖ్యమంత్రిగా నటించబోతున్నారు. నిజాయితీయైన ముఖ్యమంత్రి అవినీతిని పారద్రోలి, పర్ఫెక్ట్ గా తన బాధ్యతలను ఎలా నిర్వర్తించాడన్నదే తన పాత్రని ఆయన తెలిపారు. జగపతిబాబు కథానాయకుడిగా నటిస్తున్న ఈ చిత్రాన్ని నీలాంజన, చిన్నా ప్రొడక్షన్స్‌ సంయుక్తంగా నిర్మిస్తోంది. జిట్టా సురేందర్‌రెడ్డి, ఎ.బి.శ్రీనివాస్‌ నిర్మిస్తుండగా నందం హరిచంద్రరావు దర్శకత్వం వహిస్తున్నారు.
      ఈ మూవీలో ప్రధాన పాత్రలు పోషిస్తోన్న మంత్రి ఏరాసు, కోట, పోసాని సినిమా గురించి మచ్చటించారు.   ప్రస్తుత రాజకీయాలకు అద్దంపట్టేలా ఈ చిత్రముంటుందని ఏరాసు తెలిపారు. ఏ సినిమాలోనైనా పోసాని ఉన్నాడంటే ఆ సినిమాలో ఏదో విషయముంటుందని నేను భావిస్తాను. నిజాన్ని నిర్భయంగా చెబుతాడు. మేమిద్దరం మంచి పాత్రలను పోషిస్తున్నామని కోట శ్రీనివాసరావు అన్నారు. జగపతిబాబు సెంట్రల్‌ ఇంటెలిజెన్స్‌ ఆఫీసర్‌గా నటిస్తున్నారు. ప్రస్తుత రాజకీయాల నేపథ్యంలో రూపొందుతోందని పోసాని చెప్పారు. నిర్మాతలు చిత్రీకరణ బాధ్యతలు నాపై పెట్టారు. మొదటి షెడ్యూల్‌ పూర్తయింది. ఈనెలాఖరులో రెండవ షెడ్యూల్‌ చేస్తాం. సెప్టెంబర్‌లో సినిమాను విడుదల చేయనున్నామని నట్టికుమార్‌ వెల్లడించారు.

...avnk