Posted: 08/09/2012 07:21 PM IST

ముద్దుగా బొద్దుగా అందానికి అర్ధం చెప్పేలా కనిపించే అందం ఆరాధ్యం. ఈ పాల తెలుపు సుందరి నేడేపుట్టింది. హన్సిక బాలనటిగా  బాలీవుడ్ కి పరిచయమై, అక్కడి చిత్రాల్లో వరుసగా నటించింది. ఆ తరువాత 'దేశముదురు' చిత్రంతో ఇక్కడి కుర్రకారుని ప్రభావితం చేసింది. ఈ సినిమాలో అందమైన సన్యాసినిగా కనిపించి అందరి మనసు దోచింది.  ఆ తరువాత 'కంత్రి' ... 'మస్కా' ... 'బిల్లా' ... 'కందిరీగ' చిత్రాలు ఆమె గ్లామర్ వెంటపడి వచ్చాయి. ఈ సినిమాల్లో ఆమెకి 'కందిరీగ' మంచి సక్సెస్ ను ఇచ్చింది. ప్రస్తుతం విష్ణు జోడీగా 'దేనికైనా రెడీ' చిత్రంలో నటిస్తోన్న హన్సిక, తమిళంలో తిరుగులేని కథానాయికగా వెలుగొందుతోంది. తమిళ ప్రేక్షకులు ఆశించే అందచందాలు ఆమెలో పుష్కలంగా ఉండటమే అందుకు కారణం. తెలుగు ప్రేక్షకులు ఆమెకి గుండెల్లో గుడి కట్టి సంతృప్తి పడితే, తమిళ అభిమానులు మాత్రం అక్కడ ఆమెకి ఏకంగా గుడే కట్టిస్తున్నారు.
      కాగా, డర్టీ పిక్చర్‌2లో నేను నటిస్తానంటే, నేను నటిస్తానని బాలీవుడ్‌ నుంచి కోలీవుడ్‌ హీరోయిన్ల దాకా అంతా పోటీపడుతున్నారు. తాజాగా ఈ పోటీ జాబితాలో హన్సిక కూడా చేరిపోయిందట. తనకు కనుక డర్టీ పిక్చర్‌ 2 ఆఫర్‌ ఇస్తే విద్యాబాలన్‌ చూపించిన దానికంటే ఎక్కువే చూపిస్తానని అంటోందట హన్సిక. తన గ్లామర్‌కు సరియైన పాత్ర లభించలేదని, అలాంటి పాత్ర లభిస్తేగానీ తనలో ఉన్న సత్తా ఏమిటో చూడొచ్చని చెపుతోందట. ఇందంతా చూస్తుంటే అందాల ప్రదర్శనకు ఎగబడుతున్నట్లు కనబడుతోంది. మరి ఏక్తా కపూర్‌ డర్టీ పిక్చర్‌ 2కి ఎవర్ని తీసుకుంటుందో వెయిట్‌ అండ్‌ సీ. ఏదేవైనా కెరియర్ పరంగా ఆమె మంచి ఊపుమీదున్న మాట మాత్రం వాస్తవం. ఈ అందాలభామ పుట్టినరోజు  సందర్భంగా ఆంధ్రావిశేష్ శుభాకాంక్షలు తెలియజేస్తోంది.

...avnk