Posted: 08/08/2012 01:15 PM IST

       సరికొత్త స్టూడెంట్ స్టార్ తెలుగు తెరమీదకి వస్తున్నాడు. చక్కటి కథ, కథనాలకు వ్యాపార విలువలను మేళవించి, సందేశాత్మకంగా 'స్టూడెంట్‌ స్టార్‌' చిత్రాన్ని మలుస్తున్నామని కథానాయకుడు, దర్శకుడు ఎ.రాజ్‌. కె.ఎస్‌.గోపి తెలిపారు. హర్ష మూవీస్‌ పతాకంపై పి.సి.రెడ్డి, ఎం.శివకుమార్‌రెడ్డి సంయుక్తంగా నిర్మిస్తున్న ఈ చిత్రం షూటింగ్‌ పార్ట్‌ నిన్న పూర్తయింది. ఈ సందర్భంగా హీరో, దర్శకుడైన ఎ.రాజ్‌. కె.ఎస్‌.గోపి మాట్లాడుతూ, 'అందరినీ ఆకట్టుకునేలా చిత్రాన్ని నిర్మిస్తున్నాం. ఆడియో కూడా చాలా బాగా వచ్చింది' అని అన్నారు. నిర్మాతలు మాట్లాడుతూ, 'ఇటీవల ఓ ఐటెం సాంగ్‌ను చిత్రీకరించడంతో నిర్మాణం ముగిసింది. ప్రస్తుతం నిర్మాణానంతర పనుల్లో భాగంగా డబ్బింగ్‌ జరుగుతోంది. రాముని సంగీత దర్శకుడిగా పరిచయం చేస్తున్నాం. మూడోవారంలో ఆడియోను, సెప్టెంబర్‌ ప్రథమార్థంలో సినిమాను విడుదల చేసేందుకు సన్నాహాలు చేస్తున్నాం' అని చెప్పారు. ఈ చిత్రానికి ఛాయాగ్రహణం: శేషు డి.నాయుడు, కళ: శ్రీరామ్‌, నృత్యాలు: సామ్రాట్‌, కిరణ్‌.

...ఎవిఎన్కే