Posted: 08/07/2012 04:21 PM IST

యంగ్ రెబల్ స్టార్ 'రెబల్' ఫస్ట్ లుక్ ఈ రోజు అధికారికంగా విడుదలైంది. సిగరెట్ దమ్ము వదులుతూ హీరో ప్రభాస్ మాంచి స్టయిల్ గా ఇచ్చిన పోజుతో ఈ ఫస్ట్ లుక్ అదిరిపోయిందనే చెప్పాలి. కాగా, ఫస్ట్ లుక్ టీజర్ను ఈ నెల మూడో వారంలో విడుదల చేస్తున్నట్టు నిర్మాతలు చెబుతున్నారు. నెలాఖరుకు ఆడియో వేడుకను నిర్వహిస్తారు. ఈ చిత్రానికి సంబంధించిన చివరి పాట చిత్రీకరణ ప్రస్తుతం హైదరాబాదులో జరుగుతోంది. అన్నపూర్ణా స్టూడియోలో ప్రత్యేకంగా వేసిన సెట్లో ఈ పాటను హీరో ప్రభాస్ పై షూట్ చేస్తున్నారు. మరో రెండు రోజుల్లో ఇది పూర్తవుతుంది. దీంతో షూటింగు మొత్తం ముగుస్తుంది. మరోపక్క పోస్ట్ ప్రొడక్షన్ పనులు కూడా వేగంగా జరుగుతున్నాయి. వచ్చే నెలలో విడుదలకు సిద్ధమవుతున్న ఈ చిత్రంలో తమన్నా, దీక్షా సేథ్ కథానాయికలుగా నటిస్తున్నారు. ఈ చిత్రానికి దర్శకత్వంతో బాటు సంగీత దర్శకత్వ బాధ్యతను కూడా లారెన్స్ తీసుకోవడం విశేషం. ఇక్కడ కనిపిస్తున్న చిత్రమే రెబల్ చిత్రంలో ప్రభాస్ పోస్టర్...
        ఆంధ్రావిశేష్.కాం కు అందిన విశ్వసనీయ సమాచారం ప్రకారం ఆగష్టు 28న ఆడియో, సెప్టెంబర్ 14 సినిమా ని విడుదల చేయబోతున్నట్టు తెలుస్తోంది. భారీ బడ్జెట్ తో తెరకెక్కబోతోన్న ఈ చిత్రాన్ని శ్రీ బాలీజీ సినీ మీడియా బ్యానర్ మీద జె భగవాన్, పుల్లారావు నిర్మిస్తున్నారు.

...avnk