Posted: 07/13/2012 02:11 PM IST

      మెగా పవర్ స్టార్ రామ్ చరణ్ - తమన్నా జంటగా సంపత్ నంది తెరకెక్కించిన 'రచ్చ' చిత్రం మాస్ ఆడియన్స్ మనసు దోచుకుంది. ఏప్రిల్ 5 న విడుదలైన ఈ సినిమా నేటికి 38 సెంటర్లలో 100 రోజులను పూర్తి చేసుకుంది. ఈ సందర్భంగా పరుచూరి బ్రదర్స్ ... ఎన్.వి ప్రసాద్ ... వాకాడ అప్పారారావు తమ ఆనందాన్ని పంచుకున్నారు. ఈ సినిమా గురించి పరుచూరి బ్రదర్స్ మాట్లాడుతూ, సంపత్ నంది హార్డ్ వర్క్ ... చిరంజీవి సలహాలు - సూచనలు ఈ సినిమా విజయానికి కారణమయ్యాయని అన్నారు. తమపై చిరంజీవి ఉంచిన నమ్మకాన్ని నిలబెట్టుకున్నందుకు ఎంతో ఆనందంగా ఉందని చెప్పారు. ఇక నిర్మాత ఎన్వీ ప్రసాద్ మాట్లాడుతూ, ఈ విజయం మెగా అభిమానులందరిదని అన్నారు. చరణ్ బిజీగా ఉండటం వల్ల 100 డేస్ ఫంక్షన్ గురించి ఇంకా ఏమీ ఆలోచించుకోలేదనీ ... త్వరలోనే ఈ విషయమై ఓ ప్రకటన చేస్తామని చెప్పారు. వాకాడ అప్పారావు మాట్లాడుతూ, ఈ సినిమా సక్సెస్ తమకి పెద్ద సినిమాలు కూడా చేయగలమనే ధైర్యాన్ని ఇచ్చిందని అన్నారు. ఇంతటి విజయాన్ని అందించిన అభిమానులకి కృతజ్ఞతలు తెలిపారు.

...avnk