Posted: 07/12/2012 07:29 PM IST

       సినీ తారల మీద రూమర్లు గాసిప్స్ మీడియాలో సర్వసాధారణమే. అయితే కొన్ని విషయాలు ఆయా ఆర్టిస్టులకు తీవ్ర మనో వేదనను, కోపాన్ని కలిగిస్తాయి. మొన్న తాప్సీ పన్ను మంచు మనోజ్ విషయమై తీవ్ర అసహనాన్ని ప్రదర్శించినట్టు తాజాగా బాలీవుడ్ నటుడు అభిషేక్ బచ్చన్ మీడియా మీద ఇంతెత్తుకి లేచాడు. ఆ కథాకమామిషు ఏమిటంటే.. ఐశ్వర్య- అభిషేక్ ల కూతురు 'ఆరాధ్య'ను చూడాలనే ఆరాటం అభిమానుల్లో అంతకంతకు పెరిగిపోతోంది. 'ఆరాధ్య'ను అందరి కంటే ముందుగా తామే జనానికి చూపించాలని చెప్పేసి టీవీ చానల్స్ పోటీ పడుతున్నాయి. ఇంత జరుగుతున్నా ఐశ్వర్య దంపతులు మాత్రం 'ఆరాధ్య'ను బయట ప్రపంచానికి చూపించడంలేదు. ఈ దంపతులు ఎక్కడికి వెళ్లినా 'ఆరాధ్య' ఫేస్ కనిపించనీయకుండా చాలా జాగ్రత్తలు తీసుకుంటున్నారు.  ఈ నేపథ్యంలో ''ఆరాధ్యని జాతీయ మీడియాకి ఇంతవరకూ చూపించలేదు ... అంతర్జాతీయ మీడియా ద్వారా పాప ఫస్ట్ లుక్ ని రిలీజ్ చేసే అవకాశముందా?'' అంటూ ఓ విలేకరి అడిగిన ప్రశ్నకి, అభిషేక్ ఘాటుగా స్పందించాడు. అంతర్జాతీయ మార్కెట్లో ప్రదర్శనకి పెట్టడానికి తన కూతురేమీ వస్తువు కాదంటూ ఆయన మండిపడ్డాడు. ఈ విషయంలో బిజినెస్ చేయవలసిన అవసరం తనకి లేదనీ ... సమయం వచ్చినప్పుడు అందరూ చూడవచ్చంటూ ఆవేశాన్ని కంట్రోల్ చేసుకునే ప్రయత్నం చేశాడు. ఇదండీ అభిషేక్ కోపానికి కారణం ..

...avnk