Posted: 07/03/2012 04:34 PM IST

నందమూరి నటసింహం సినిమాలకు సంబంధించి కొత్త రంగంలోకి ప్రవేశిస్తోంది. ఇప్పటికే సినిమాలు, రాజకీయ రంగాలతో బిజీగా ఉన్న బాలకృష్ణ డిస్ట్రిబ్యూషన్ స్పెక్ట్రమ్ లోకి ప్రవేశించనున్నాడని అంటున్నారు. భవిష్యత్తులో దర్శకత్వం వైపు దృష్టిసారించడానికి కూడా ఉత్సాహంగా ఉన్న బాలకృష్ణ డిస్ట్రిబ్యూషన్ రంగంలో కూడా తన హవాను చాటడానికసి సిద్ధం అవుతున్నడు. ప్రస్తుత డిస్ట్రిబ్యూషన్ విధానంపై అసంతృప్తితో ఉన్న బాలయ్య ఈ రంగంలోకి ఎంట్రీ ఇచ్చి, మార్పులు తీసుకొచ్చేందుకు ప్రయత్నిస్తున్నాడంటున్నారు. అయితే ఈ విషయంలో మరో వెర్షన్ కూడా వినిపిస్తోంది. బాలయ్య ఈ మధ్య కాలంలో తన సినిమాల విడుదల గురించి అసంతృప్తితో ఉన్నాడని, తన సినిమాలకు మంచి థియేటర్లు దొరకలేదనే ఉద్దేశంతో ఉన్న బాలకృష్ణ దాన్నిసరిదిద్దుకోవడానికి స్వయంగా డిస్ట్రిబ్యూటర్ గా మారే ప్రయత్నంలో ఉన్నాడట. అలాగే భవిష్యత్తులో తన కుమారుడు మోక్షజ్ఞ సినిమాల్లోకి ఎంట్రీ ఇచ్చే టైమ్ కు థియేటర్ల విషయంలో ఎటువంటి ఇబ్బందులు ఎదుర్కొన కుండా ఇప్పటి నుంచే పక్కాప్లాన్ తో బాలకృష్ణ ఉన్నాడనే కోణంలో కూడా కొందరు విశ్లేషిస్తున్నారు.