Posted: 06/23/2012 06:08 PM IST

తమిళ సూపర్ స్టార్ బాటలో  తన పుట్టిన రోజు సందర్భంగా  బంగారు ఉంగరాలు కానుకగా ఇచ్చాడట. తమిళ చిత్ర రంగంలో రజనీకాంత్‌ తర్వాత, సూపర్‌స్టార్‌గా రాణిస్తున్న హీరో విజయ్. నిన్న ఆయన జన్మదినం సందర్భంగా ఎప్పటిలా చెన్నయ్ లోని ఎగ్మోర్‌లోని ప్రభుత్వ ఆసుపత్రిలో పుట్టినరోజు జరుపుకున్నాడు. కొత్తగా పుట్టిన శిశువులకు బంగారు ఉంగరాలను కానుకగా తొడిగాడు. 38 సంవత్సరాల క్రితం విజయ్ ఇదే ఆసుపత్రిలో జన్మించాడు. ఆ సెంటిమెంట్‌తో తను సినిమా యాక్టర్‌ అయిన దగ్గర నుంచీ ప్రతి ఏడాది ఈ ఆసుపత్రికి వచ్చి కొత్త శిశువులకు బంగారు ఉంగరాలను బహూకరిస్తుంటాడు. ఆ ఆనవాయితీని ఈ ఏడాది కూడా కొనసాగించాడు. కాగా, తమ అభిమాన నటుడ్ని చూడటానికి అభిమానులు పెద్ద ఎత్తున హాస్పిటల్‌కు తరలి రావడంతో వాళ్లను అదుపు చేయడం పోలీసులకు కాస్త ఇబ్బంది అయింది.