Posted: 06/15/2012 08:07 PM IST

     పవర్ స్టార్ ‘గబ్బర్ సింగ్' సినిమా విజయం తర్వాత పవన్ కల్యాణ్ నటించే తదుపరి సినిమా షూటింగు ఈ రోజు ప్రారంభమైంది. పూరీ జగన్నాథ్ దర్శకత్వంలో 'కెమెరామేన్ గంగతో రాంబాబు' పేరుతో రూపొందే ఈ చిత్రం షూటింగు ఈ రోజు ఉదయం హైదరాబాదులోని సారధి స్టూడియోలో మొదలైంది. ఈ చిత్రం కోసం సారధీలో ప్రత్యేకమైన సెట్ వేశారు. ఇందులో కీలక సన్నివేశాలను చిత్రీకరిస్తారు. ఈ సినిమాలో హీరో పవన్ కల్యాణ్ టీవీ రిపోర్టర్ గా నటిస్తున్నారు. మీడియా నేపథ్యంలో రూపొందే ఈ చిత్రంలో సమకాలీన రాష్ట్ర రాజకీయాలపై వ్యంగ్యాస్త్రాలను సంధిస్తున్నట్టు ప్రచారం జరుగుతోంది. తమన్నా కథానాయికగా నటిస్తున్న ఈ చిత్రానికి మణిశర్మ సంగీతాన్ని అందిస్తున్నాడు.  డివివి దానయ్య నిర్మిస్తోన్న ఈ చిత్రం మీద మంచి అంచనాలే ఉన్నాయి. గతంలో “బద్రి” వంటి హిట్ మూవీని అందించిన పూరి- పవన్ కాంబినేషన్ రిపీట్ అవ్వడంతో పవన్ ఫ్యాన్స్ యమ సంతోషంగా ఉన్నారు.

...avnk