Posted: 06/15/2012 01:42 PM IST

     రాజమౌళి 'ఈగ' థియేటర్లను చుట్టేసేందుకు సమయం వచ్చేసింది. ఈ  సినిమా విడుదల కోసం అశేష ప్రేక్షకులు ఎప్పటినుంచో ఎదురు చూస్తున్నారు. అయితే గ్రాఫిక్స్ ... స్పెషల్ ఎఫ్ఫెక్ట్స్ కారణంగా ఆలస్యమౌతూ వచ్చిన ఈ సినిమా, ఎట్టకేలకు ముహూర్తపు తేదీని ఖరారు చేసుకుంది. ఈ సినిమా యూనిట్ సభ్యుల నుంచి అందిన సమాచారం ప్రకారం, ఈ సినిమాని జూలై 6 వ తేదీన విడుదల చేయడానికి సన్నాహాలు జరుగుతున్నట్టు తెలుస్తోంది. సాధారణంగా రాజమౌళి  ఏ సినిమా చేసినా అందులో ఏదో ఒక ప్రత్యేకత వుంటుంది. అలాంటిది ఆయన ఈ సారి ఏకంగా ప్రయోగమే చేయడంతో, ఈ సినిమాపై అంచనాలు భారీగా పెరిగిపోయాయి.  సమంతా ... నాని ... సుదీప్ ప్రధాన పాత్రలు పోషిస్తోన్న ఈ సినిమా కోసం, ఇతర భాషలకి చెందిన చిత్ర పరిశ్రమలు సైతం ఆసక్తిగా ఎదురు చూస్తున్నాయి. ఇక్కడ రాజమౌళి చేసిన సినిమాలు ఇతర భాషల్లో ఘన విజయాలు సాధిస్తుండటమే అందుకు కారణం. మరి అత్యంత ప్రతిష్టాత్మకంగా రాజమౌళి తెరకెక్కించిన ఈ సినిమా, ఆయనకి ఏ స్థాయి విజయాన్ని కట్టబెడుతుందనేది అంతా ఆశక్తిగా ఎదురుచూస్తున్న ప్రశ్న.

...avnk