Posted: 06/12/2012 08:25 PM IST

     ఇటీవల విడుదలైన 'గబ్బర్ సింగ్' చిత్రం పవన్ కళ్యాన్ కెరియర్లోనే బిగ్గెస్ట్ హిట్ గా నిలిచిన సంగతి తెలిసిందే. పవన్ ఇమేజ్ ని ఈ సినిమా ఎవరెస్ట్  శిఖరమంత ఎత్తులో నిలిపింది. దాంతో ఈ సినిమా విజయానికి కారకులైన ప్రతి ఒక్కరితో ఈ సంతోషాన్ని పంచుకుంటున్నారు పవన్ కళ్యాన్. ఇందులో భాగంగానే ఆయన ఈ సినిమాకి పనిచేసిన సాంకేతిక నిపుణులకి మామిడి ఫలాలను పంపుతున్నారు. పైగా, ఈ మామిడిపళ్ళు కొన్నవి కావు ... పవన్ కళ్యాన్ సొంత వ్యవసాయ క్షేత్రంలోనివి కావడం వాళ్లకి మరింత ఆనందాన్ని కలిగిస్తోంది. 'గబ్బర్ సింగ్' సినిమాకి ఆర్ట్ డైరెక్టర్ గా పనిచేసిన కడలి బ్రహ్మేశ్వరరావుకి ఈ మామిడి పళ్ళు అందడంతో, ఆయనీ విషయాన్ని ట్విట్టర్లో పోస్ట్ చేయడమే కాకుండా, ఆ మామిడి ఫలాల ఫోటోని కూడా పోస్ట్ చేశారు. పవన్ లాంటి హీరో తమని గుర్తు పెట్టుకోవడం తమకి మరింత సంతోషాన్ని కలిగిస్తోందని వాళ్లంతా ఆనందిస్తున్నారు.
     ఇదిలా ఉండగా, గబ్బర్ సింగ్ సినిమాతో తనకి పెద్ద హిట్టిచ్చిన దర్శకుడు హరీష్ శంకర్ తో మళ్లీ పనిచేస్తున్నానని కథానాయిక శృతి హాసన్ ప్రకటించింది. 'ప్రేక్షకులకి ఎటువంటి సినిమాలు నచ్చుతాయో హరీష్ కి బాగా తెలుసు. చాలా తెలివైన టెక్నీషియన్' అంటూ ఆయనకు కితాబు కూడా ఇస్తోంది. యన్టీఆర్ హీరోగా హరీష్ రూపొందించనున్న MLA సినిమాలో శృతి కథానాయికగా ఎంపికైంది. దీని గురించి ఆమె చెబుతూ, 'గతంలో యన్టీఆర్ తో దమ్ము సినిమాలో చేయాల్సింది. అయితే, అనివార్యకారణాల వల్ల అది చేయలేకపోయాను. ఇప్పుడిక ఎట్టి పరిస్థితులలోనూ మిస్సయ్యేది లేదు. అందుకే ఈ సినిమాకి ఓకే చెప్పేశాను. యన్టీఆర్ తో చేయడానికి ఇష్టపడతాను కూడా అంటోంది ఈ చెన్నయ్ సౌందర్యం.

...avnk