Posted: 06/12/2012 03:40 PM IST

     గబ్బర్ సింగ్స్ భేటీ అయ్యారు. ఈ అపురూప ఘట్టానికి చిరు నివాసం వేదికైంది. చరణ్ పెళ్లి కారణమైంది.  'దబాంగ్' సినిమాతో బాలీవుడ్ లో సంచలనం రేపిన సల్మాన్ ఖాన్, దాని రీమేక్ 'గబ్బర్ సింగ్' తో సౌత్ లో కలక్షన్ల దుమారం రేపిన పవన్ కల్యాణ్ మాటామంతీ ఆడుకున్నారు. మనసు విప్పి ముచ్చటించుకున్నారు. తన తనయుడు రామ్ చరణ్ వివాహం సందర్భంగా చిరంజీవి నిన్న రాత్రి హైదరాబాదులోని తన నివాసంలో టాలీవుడ్, బాలీవుడ్ ప్రముఖులకు ఓ లావిష్ పార్టీని ఏర్పాటు చేశారు. ఈ వేడుకకు సల్మాన్ ఖాన్ ప్రత్యేకంగా విచ్చేశాడు. పవన్ కల్యాణ్ కూడా కుటుంబంతో సహా ఈ పార్టీకి విచ్చేసారు. ఈ సందర్భంలో సల్మాన్ తో చాలా సేపు సంభాషించినట్టు సమాచారం.  'గబ్బర్ సింగ్' నిర్మాణం, కలక్షన్లు, సినిమాలోని పలు సన్నివేశాల గురించీ పవన్ వద్ద సల్మాన్ ప్రస్తావించాడట. పవన్ చేయబోతున్న సినిమాల గురించి కూడా ఆసక్తిగా అడిగి తెలుసుకున్నాడని అంటున్నారు. తెల్లవారుఝాము వరకు జరిగిన ఈ 'పార్టీ' అతిధులకు ఓ మధురానుభూతిని మిగిల్చిందని పార్టీ ఎంజాయ్ చేసినవారంటున్నారు.

...avnk