Posted: 06/08/2012 02:40 PM IST

వైవిద్య, విలక్షణ నటుడు ప్రకాష్ రాజ్ ఏ పాత్ర చేసినా కరెక్టుగా సరిపోతుంది. మరి అలాంటి నటుడు ఆమధ్యన నిర్మించి నటించిన చిత్రం ‘ఆకాశమంత’. ఈ చిత్రంలో ప్రకాష్ రాజ్, త్రిష తండ్రి కూతుర్లుగా నటించిన విషయం తెలిసిందే. ఈ చిత్రంలో ప్రకాష్ రాజ్... కూతురు తన మనసుకు నచ్చిన వాడిని మనువాడి... క్రమంగా తనకి దూరమవుతుంటే... భరించలేని తండ్రి పాత్రలో ప్రకాష్ రాజ్ ప్రదర్శించిన ప్రేమ 'ఆకాశమంత'గా మనకు కనిపిస్తుంది. ఈ చిత్రం కమర్షియల్ గా వసూళ్ళు సాధించక పోయినా... పలువురి ప్రశంసలు అందుకుంది. ఇప్పుడు ఈ చిత్రాన్ని బాలీవుడ్ లో ‘మిస్టర్ ఫర్ పెక్ట్’ గా పేరు తెచ్చుకున్న అమీర్ ఖాన్ రీమేమ్ చేయాలని ప్లాన్ చేస్తున్నాడట.

అమీర్ ఖాన్ ఈ చిత్రాన్ని రీమేక్ చేయడానికి ఓ కారణం ఉంది. ఈ మధ్యన అమీర్ ఖాన్ అద్దె గర్భం (సరోగెట్) ద్వారా తండ్రి అయిన విషయం తెలిసిందే. ఆ చిన్నారితో అమీర్ ఖాన్ ఆ సినిమాలో చూపించినంత ప్రేమను చూపిస్తున్నాడట. అందుకే ఈ చిత్రాన్ని ఆయన రీమేక్ చేయడానికి సన్నాహాలు చేస్తున్నట్లు తెలుస్తుంది.