Posted: 06/07/2012 08:41 PM IST

      స్టెప్పులేయటం ఆషామాషీ కాదంటోంది మిల్కీ తమన్నా. తాజాగా చేసిన సినిమాల్లో డాన్స్ విషయంలో తాను బాగా ఎంజాయ్ చేస్తున్నానని తమన్నా స్వయంగా చెప్పింది. 'ఎందుకంటే ప్రేమంట' సినిమాలో రామ్ డాన్స్ గురించి ప్రస్తావిస్తూ ఆమె ఈ మాట అంది. ఎన్టీఆర్ ... చరణ్ ... అల్లుఅర్జున్ డాన్స్ పట్ల ప్రత్యేక శ్రద్ధ తీసుకుంటారనీ ... వాళ్లకి జోడీగా స్టెప్పు లేయడం అంత ఆషామాషీ విషయం కాదని తమన్నా చెప్పింది. 'ఎందుకంటే  ప్రేమంట' సినిమాలో రామ్ జోడీగా కూడా తనకి డాన్స్ చేయడం చాలా కష్టమైందనీ ... అయినా పోటీపడి చేశానని అంది. మెరుపు వేగంతో డాన్స్ చేసే వీరితో జట్టు కట్టడం తనకి లభించిన అరుదైన అవకాశంగా భావిస్తున్నానని చెప్పింది.  రామ్ జోడీగా నటిస్తోన్న ఈ సినిమాని కరుణాకరన్ అద్భుతంగా తెరకెక్కించాడని  చెప్పింది. అతని టేకింగ్ స్టైల్ తనని ఎంతగానో ఆకట్టుకుందనీ ... ఈ సినిమాలో తాను మరింత అందంగా కనిపిస్తానని అంది. 'రచ్చ' సినిమాలో వాన పాటలో ఆమె ఆరబోసిన  అందచందాలు కుర్రకారుని ఇంకా కోలుకోనీయలేదు. ఇక ఎందుకంటే..లో అమ్మడు గ్లామర్ ఏ రేంజ్ లో ఉండబోతుందోనని అభిమానులు ఆసక్తిగా చూస్తున్నారు. ఈ మూవీలో తమన్నా ఫొటోస్ చూస్తే అదుర్స్ అనిపిస్తున్నాయి మరి.

...avnk