Posted: 06/01/2012 06:47 PM IST

      స్టైలిష్ స్టార్ అల్లు అర్జున్ కొత్త సినిమా త్వరలోనే షురూ కానుంది. తాజాగా సురేందర్ రెడ్డి - బన్నీ కాంబినేషన్ లో ఓ సినిమా రూపొందించేందుకు సన్నాహాలు జరుగుతున్నాయి. గతంలో ఎన్టీఆర్ తో 'అశోక్' ... 'ఊసరవెల్లి' చిత్రాలను, మహేష్ బాబుతో 'అతిధి', రవితేజాతో 'కిక్' చిత్రాలను తెరకెక్కించిన సురేందర్ రెడ్డి, తాజాగా అల్లు అర్జున్ సినిమాకి శ్రీకారం చుట్టారు. ఇప్పటికే కథ చర్చలు పూర్తి చేసుకున్న ఈ సినిమా, జూన్ 12 న లాంఛనంగా షూటింగ్ ని ప్రారంభించనున్నట్టు తెలుస్తోంది. యాక్షన్ ఎంటర్ టైనర్ గా తెరకెక్కనున్న ఈ సినిమాకి నల్లమలుపు శ్రీనివాస్ ( బుజ్జి ) నిర్మాతగా వ్యవహరిస్తున్నారు. ప్రస్తుతం 'జులాయి' సినిమాతో బిజీగా ఉన్న అల్లు అర్జున్, ఆ సినిమా తరువాత నటించే సినిమా ఇదేనని తెలుస్తోంది. త్వరలోనే ఈ సినిమాకి సంబంధించిన పూర్తి వివరాలను తెలియజేస్తామని దర్శక నిర్మాతలు చెబుతున్నారు.
      మరోపక్క అల్లు అర్జున్ తమ్ముడు అల్లు శిరీష్ హీరోగా అరంగేట్రం చేస్తున్న సంగతి తెలిసిందే. దీనికి సంబంధించి అధికారిక ప్రకటన కూడా వెలువడింది. తమ డ్యూయెట్ మూవీస్ బ్యానర్ పై శిరీష్ కథానాయకుడుగా రాధా మోహన్ దర్శకత్వంలో 'గౌరవం' చిత్రాన్ని నిర్మిస్తున్నట్టు ప్రముఖ నటుడు ప్రకాష్ రాజ్ తెలియజేశాడు. తెలుగు, తమిళ భాషల్లో ఈ చిత్రాన్ని ఏకకాలంలో నిర్మిస్తున్నామని ఆయన చెప్పారు. ఆమధ్య 'నువ్విలా', ఇటీవల 'విక్కీ డోనార్' హిందీ చిత్రంలో నటించిన యామీ గౌతమ్ ఈ చిత్రంలో కథానాయికగా నటిస్తోంది. ప్రకాష్ రాజ్, నాజర్, ఎల్బీ శ్రీరాం తదితరులు ఇతర పాత్రలు పోషించే ఈ చిత్రం షూటింగు వచ్చే నెల 18 న మైసూరులో ప్రారంభమవుతుంది. నేటి బిజీ సంగీత దర్శకుడు యస్.యస్.తమన్ దీనికి సంగీతం సమకూరుస్తున్నాడు. 

...avnk