Posted: 06/01/2012 06:03 PM IST

      దర్శకుడు కోడి రామకృష్ణ కి సినిమాలు తెరక్కించటంలో ఓ ప్రత్యేక స్థానముంది. ఇది అతని ఇంతకుముందు తీసిన సినిమాలు చూస్తే ఇట్టే అవగతమవుతుంది. అయితే.. తాజాగా ఈన ప్రతిష్టాత్మకంగా  తెరకెక్కిస్తోన్న 'సత్యసాయి' జీవిత చరిత్రని సాయి మహిమలుతో పాటే, అందులో నటించే తారాగణం గురించి కూడా చిత్ర విచిత్రాలు చేస్తున్నాడు. ఈ సినిమాలో బాల సత్య సాయిగా శ్రీజిత్ నటిస్తుండగా, ఆయన తల్లిదండ్రులుగా జయప్రద - శరత్ బాబు కనిపించనున్నారు. ఇక సత్యసాయి కాస్త  పెద్దవారైన దగ్గర నుంచి ఆ పాత్రలో మలయాళ నటుడు మోహన్ లాల్ కనిపిస్తారు. ఈ సినిమాలో మరో ప్రత్యేకత ఏమిటంటే ... ఇందులో ఓ కీలకమైన పాత్రని కె.వి రమణాచారి పోషిస్తున్నారు.  ఈ సందర్భంగా రమణాచారి ఆనందం వ్యక్తం చేశారు. 'అమ్మోరు' ... 'దేవుళ్ళు' వంటి భక్తి రసాత్మక చిత్రాలను తెరకెక్కించిన కోడి రామకృష్ణ, ఈ సినిమాలో తనకి ఓ ప్రధానమైన పాత్రని ఇవ్వడం  ఆనందంగా వుందని చెప్పారు. ఇటీవల 'దేవస్థానం' చిత్రంలో నటించిన తనకి, ఆ వెంటనే ఈ పాత్ర  లభించడం సంతోషాన్ని కలిగించిందని అన్నారు. పంగిడి గూడెం ... బుట్టాయి గూడెం పరిసర ప్రాంతాల్లో షూటింగ్ జరుపుకున్న ఈ సినిమా, తదుపరి షెడ్యూల్ ని హైదరాబాద్ ... పుట్టపర్తి ... ఉత్తరాంచల్ పరిసర ప్రాంతాల్లో ప్లాన్ చేసినట్టు తెలుస్తోంది. ఈ సినిమాను బహుభాషల్లో నిర్మించాలని తలపెట్టిన సంగతి తెలిసిందే. అందుకోసం చాలా క్వాలిటీగా ప్రాజక్ట్ కు రూపురేఖలు అద్దుతున్నట్టు సమాచారం.

...avnk