Posted: 06/01/2012 02:58 PM IST

     భారీ అందాల తాజా సుందరి తాప్సీ దర్శక, నిర్మాతలకు కొట్టిన పిండిలా కనిపిస్తుంది. హీరోయిన్ ఎంపిక విషయంలో కొంచెం అటు ఇటుగా సమస్యలు తలెత్తితే నేనున్నానంటూ రెడీగా కనిపిస్తోంది ఈ అందాల సుందరి. అంతేకాదు ఈ భామ వీరి పాలిట సెకండ్ చాయిస్ లా కనపడుతోంది. ఇందుకు తమిళంలో ఇటీవల ఆమె పొందిన అవకాశాలనే ఉదాహరణగా చెప్పుకోవచ్చు. అజిత్ హీరోగా విష్ణువర్ధన్ దర్శకత్వంలో రూపొందుతున్న తాజా చిత్రంలో ముందుగా రిచా గంగోపాద్యాయను హీరోయిన్ గా బుక్ చేశారు. ఆమెపై ఫోటో షూట్ కూడా చేసి, సంతృప్తి చెందారు. అయితే, అంతలోనే ఆమెను తప్పించి తాప్సీని తీసుకున్నారు. కాగా,  విశాల్ హీరోగా సుందర్ సి (ఖుష్బూ భర్త) దర్శకత్వంలో రూపొందుతున్న మరో చిత్రం విషయంలో కూడా అలాగే జరిగింది. ముందుగా ఈ చిత్రంలో కార్తీక కథానాయికగా ఎంపికైంది. అయితే, ఆ తర్వాత, అందులో తన పాత్ర ప్రాధాన్యతను తగ్గించేశారంటూ ఆరోపిస్తూ ఆమె ఆ ప్రాజక్టు నుంచి తప్పుకుంది. ఇప్పుడు తాజాగా ఈ స్థానంలోకి తాప్సీని ఎంచుకున్నారు. చెంతకొచ్చిన ప్రతీ ప్రాజక్ట్ ను కాలదన్నకుండా అక్కున చేర్చుకుని ముందుకు సాగిపోతోంది. ఈ పొడుగు సుందరాంగి. మంచిదేకదా....

...avnk